Duahia Taudia Edia Amo
Ruma Bese e, Umui Lalo-Tamona Lau moale bada badina umui ese “Ruma Bese e, Lalo-Tamona Umui Tahua” herevadia umui torea dainai. (Issue 3, 1992) Lau ese magasin ena kopina hairaina lau itaia neganai, egu matana ranu idia diho. Emui hereva ta ta be namo herea bona umui torea mai lalokau bada danu! Tanikiu bada ai umui durua ai emai ruma bese ai lalo-tamona karana ai laloatao totona.
K. E., United States
Aonega Manumanudia Revareva kwadogina lau torea badina lau ura umui lau hadibaia umui torea herevana ladana, “Aonega Manumanudia ese Taunimanima Edia Peleini Idia Hanaia” sivaraina lau moalelaia bada. (Issue 1, 1993) Masini idia karaia kampani badana ta dekenai, masini idauidau stadilaia gaukara lau karaia, bona unai masini idia karaia taudia idia heagi bada momokani. Mauri gaudia edia vara dalana idia hoalaia lasi, idia gwau lasi unai be Havaraia Tauna ese ia karaia. Nega ta lau ese saiens taudia rua edia kiki lau kamonai idia ese gea au uhena ena hairai idia herevalaia noho neganai. Edia hereva dokonai dahaka idia gwau? “Sibodia idia vara tubutubu gaudia be hereadae, ani?” Edia lalohadai be ia dibura momokani.
P. G., United States
Ikoko Hamaoromaoroa Tauna Lau gorere dainai, lau heduru diba lasi Watch Tower Society edia branch ofesi idia haginia Selters/Taunus, Germany dekenai. To tadikaka buruka, Adams Akuetteh, “Ghana branch ena ikoko hamaoromaoroa tauna” (Issue 1, 1993) ena sivarai lau duahia neganai lau tai!
T. R., Germany
Aniani Namonamo Lasi Lau ura umui lau tanikiu henia bada badina umui ese “Idia Aniani Namonamo Lasi Taudia Durudia” ena hereva umui torea dainai. (Issue 4, 1992) Unai hereva ese lau ia durua dainai hari lau hahedinaraia lau aniani namonamo lasi. Inai be nega ginigunana lauegu hekwakwanai lau diba namonamo, hekwakwanai be aniani dekenai lasi, to ruma bese ena hekwakwanai dainai. Lau aniani namonamo lasi karana dainai gau haida lau karaia namonamo lasi, hegeregere haroro gaukara. Unai hereva lau duahia murinai lau ese heduru gaudia haida lau tahua bona lau davaria lau namo lou dalana be ia auka momokani bona do lau hekwarahi bada. To Iehova be lalokau bona haheauka Diravana dainai ia ese lau ia durua bada.
J. S., United States
Lauegu lagani be 15 bona lagani haida idia lao vadaeni lau aniani namonamo diba lasi. Lauegu sinana ese unai hereva ia duahia neganai, lauegu hekwakwanai ia lalo-pararalaia namonamo bona lau ia durua bada. Harihari lauegu mauri lau biagua diba bona umui emui magasin lau moalelaidia bada. Idia be lau idia durua bada gaudia.
M. G., United States
Mahuta Hebou Karana Lau tore henimu badina lau ura tanikiu inai hereva “Mahuta Hebou Karana be Daika ese Idia Hadibalaia?” umui torea dainai. (Issue 4, 1992) Lauegu natudia be rua bona unai hereva be idia danu ai do herevalaia lasi. Ta ese lau ia hadibaia lasi, bona lau diba lasi edena dala amo do lau herevalaia henidia eiava lau hadibadia. To unai hereva lau duahia murinai, lauegu natudia ta ta sibona sibona lau hereva henia. Tama bona sina be unai idia reaia lasi be namo, badina lau hadibaia neganai lau moale bada.
M. A. P., Spain