Idaunegai Bukana Hari Maurina Durua Totona
Taunimanima momo ese Baibel idia matauraia badina ia be buka helagana sibona lasi, to Dirava tomadiho henia dalana ia hadibaia danu. Ia lalonai sisiba namodia idia noho dina ta ta ena mauri durua totona.
Mani taunimanima haida ese Baibel duahiduahi amo namo idia abia bona ena sisiba be edia mauri ai idia badinaia dalana oi itaia.
“Egu mauri be ia namo. Egu laloa dalana bona kara ia hanamoa. Hari lau moale.”—Fiona.
“Baibel stadilaia karana amo mauri ena badina korikorina lau dibaia.”—Gnitko.
“Egu mauri be namo herea. Guna moni gaukara dekenai nega bada lau halusia to hari nega lau atoa egu famili lau bamoa totona.”—Andrew.
Inai bamona ekspiriens be momo herea. Tanobada hegegemadai, taunimanima momo idia davaria Baibel ena hakaua hereva namodia ese dina ta ta ena mauri ia durua.
Baibel ese taunimanima ia durua diba dalana mani ita herevalaia . . .
Tauanina naria dalana
Hemami biagua dalana
Famili maurina bona hetura karana
Moni gaukaralaia dalana
Dirava badinaia karana
Atikol ma haida ai, do ia hahedinaraia Baibel be Dirava amo ia mai bukana, bona emu dina ta ta maurina ia durua diba.