Havaraia Negana amo Ia Lao Abata Badana Ena Nega

Guba bona tanobada be edeseni amo idia mai? Dina, hua, hisiu bona tanobada ena gau ibounai be edena bamona idia vara? Baibel ese haere momokani ia henia. Ia gwau Dirava ese ia karaia. Unai dainai, iseda buka ese Baibel ena sivarai, havaraia gaudia dekenai ia gwauraia guna.

Inai buka lalonai do ita dibaia, Dirava ese ia havaraia gauna ginigunana be lauma taudia, ia sibona ena toana hegeregerena. Idia be aneru. To, tanobada ia karaia taunimanima ese idia noholaia totona. Unai dainai Dirava ese Adamu bona Heva ia karaia bona uma gabu hairaina ta dekenai ia atodia. To Dirava idia kamonai henia lasi bona edia maoro idia mauri noho totona idia haboioa.

Adamu ia vara dinana amo ema bona Abata badana, lagani 1,656 idia ore. Unai nega lalonai kara dika taudia momo idia noho. Guba dekenai, ita itaia diba lasi lauma taudia, Satani bona ena aneru dikadia idia noho. Tanobada dekenai, Kaino bona kara dika taudia momo idia noho, idia haida edia goada be bada herea. To, tanobada dekenai taunimanima namodia idia noho danu​—Abela, Enoka bona Noa. KAHANA 1 dekenai, unai taunimanima ibounai bona idia vara gaudia edia sivarai do ita duahia.