KAHANA 9

Edena Negai Tanobada be Paradaiso ai Do Ia Lao?

Tanobada ena hekwakwanai idauidau ese idia hamomokania, Dirava ena Basileia be kahirakahira do ia mai. Luka 21:10, 11; 2 Timoteo 3:1-5

Nega dokona ai idia vara hekwakwanai idauidau—laki gadara, tuari, gorere, hitolo, tama sina kamonai lasi, bona dagedage karadia

Hari idia vara gaudia momo be Baibel ese ia perovetalaia. Ia gwau, taunimanima be moni do idia ura henia bada, tama sina do idia kamonai henia lasi, do idia dagedage, bona moale karadia do idia ura henia bada.

Tano mareremarere badadia, tuari, hitolo, bona gabu idauidau ai daihanai goreredia do idia vara. Unai gaudia be hari idia vara noho.

Iehova ena Witnes tauna ta be tau ta dekenai Basileia ena sivarai namona ia harorolaia

Danu, Iesu ia gwau Basileia ena sivarai namona be tanobada ibounai dekenai do idia harorolaia.—⁠Mataio 24:14.

Basileia ese dika ibounai do ia kokia. 2 Petero 3:13

Aramagedono ai, taunimanima dikadia idia mase, bena Satani bona ena demoni be panisi idia abia

Iehova ese kahirakahira kara dika taudia ibounai do ia haoredia.

Satani bona demoni ibounai be panisi do idia abia.

Iesu be ena guba terona ai ia helai bona bese idauidau taudia idia moale

Dirava idia kamonai henia taudia be do idia roho mauri bena tanobada matamatana do idia noholaia—⁠unai negai do idia noho namonamo, abidadama heheni, bona lalokau heheni.