Haida Idia Laloa Bada Gaudia Herevalaia

Iesu ese Ia Karaia Gauna

VIDIO: Iesu Bona Ranu Guri Badinai ia Hedavari Henia Hahine

1. VIDIO itaia, eiava Ioane 4:​6-9 duahia. Bena inai henanadai oi laloa:

1. Iesu be unai hahine ia ura karaia gauna ia itaia murinai, edena bamona herevahereva ia hamatamaia?

2. Iesu ia gwau: “Mani ranu sisina oi henia, lau inua totona.” Dahaka dainai unai be dala namona herevahereva hamatamaia totona?

Iesu amo Dahaka Ita Dibaia?

2. Haida idia laloa bada topik ita gaukaralaia neganai herevahereva namona ita hamatamaia diba.

Iesu Tohotohoa

3. Hereva haidaua. Namo lasi oi hegaegaelaia topik sibona amo hereva oi hamatamaia. Hari inai negai, haida ese idia laloa gauna ta oi herevalaia. Sibona oi nanadaia:

1. ‘Nius ai dahaka idia herevalaia?’

2. ‘Egu neiba, gaukara turadia, eiava sikuli turadia be dahaka idia herevalaia?’

4. Idia vara gaudia oi itaia. Sibona oi nanadaia:

1. ‘Lau ura hereva henia tauna be dahaka ia karaia noho? Ia be dahaka ia lalohadailaia noho?’

2. ‘Iena dabua, iena toana, eiava ena ruma, ese ia abia dae gaudia bona kastom dekenai dahaka ia hadibaia?’

3. ‘Inai be nega namona ia lau hereva henia totona, a?’

5. Oi kamonai.

1. Oi hereva momo lasi.

2. Oi hagoadaia ena lalohadai ia gwauraia totona. Bema hegeregere, henanadai haida oi henia.