LOU HENIA KARAIA NOHO
LESENI 8
Oi Haheauka
Hakaua Hereva: “Lalokau be ia haheauka.”—1 Kor. 13:4.
Iesu ese Ia Karaia Gauna
1. VIDIO itaia, eiava Ioane 7:3-5 bona 1 Korinto 15:3, 4, 7 duahia. Bena inai henanadai oi laloa:
Matamanai, Iesu ena tadikaka edia kara be edena bamona?
Dahaka ese ia hahedinaraia Iesu be iena tadikaka Iamesi dekenai ia hesiku lasi?
Iesu amo Dahaka Ita Dibaia?
2. Namona be ita haheauka badina taunimanima be sivarai namona do idia abia dae haraga lasi.
Iesu Tohotohoa
3. Dala ma ta gaukaralaia. Bema tau ta be Baibel stadi ia abia dae haraga lasi, namo lasi ia ita doria. Nega maorona ai, vidio bona atikol oi gaukaralaia, unai amo do ia diba Baibel stadi ai dahaka ita karaia, bona unai ese ia do ia durua dalana do ia lalopararalaia.
4. Ma ta ida hahegeregerea lasi. Taunimanima be idauidau. Bema famili memba o lou henia ta be Baibel stadi ia ura lasi eiava Baibel ena hahediba hereva ia abia dae lasi, unai ena badina oi laloa. Tomadiho ma ta ena hahediba hereva ia laloa bada, a? Turadia o varavara ese ena lalona idia veria noho, a? Ia dekenai nega oi henia, emu hereva bona Baibel ena hereva ena namo ia laloa totona.
5. Kamonai tauna totona oi guriguri. Iehova oi noia oi ia durua lalohadai maorona oi abia, bona aonega dalanai oi kara totona. Lalokehoa totona oi guriguri, unai amo do oi diba ta lou henia karana be edena nega ai do oi hadokoa.—1 Kor. 9:26.