Iesu ena Mauri bona gaukara

Iehova Tomadiho Henia karana la ura Henia Bada

Iesu be headava ariana Kana dekenai ia rakatania murinai, Kaperanaum, Galilea Gohuna kahirakahira dekenai, ia lao. Iena sinana, bona ena tadina, Iakobo, Iosef, Simona, bona Iuda ese idia bamoa. Reana edia ruma dekenai, Nasaret dekenai, idia lao guna edia kohu haida abia totona.

To dahaka dainai Iesu be Kaperanaum dekenai ia lao ia haroro totona, to Kana o ma hanua haida, Galilea ena ororo kahana dekenai, ia lao lasi? Badina ta be inai:

Kaperanaum be siti badana bona taunimanima momo be ia dekenai idia lao.Danu, Iesu ena hahediba taudia matamatadia momo be Kaperanaum dekenai o ia kahirakahira dekenai idia noho dainai, sibodia edia noho gabudia dekenai ia hadibadia diba.

Iesu be Kaperanaum dekenai ia noho neganai, hoa karadia momo ia karaia. To nega sisina murinai, Iesu mai ena bamodia danu ese Kaperanaum idia rakatania. April huana bamona ai, lagani 30 C.E. ai, Ierusalem dekenai idia raka lao Paseka ariana be unuseniai idia karaia totona. Unuseniai, Iesu ena hahediba taudia ese Iesu ena kara idauna ta idia itaia.

Dirava ena Taravatu hegeregerena, Israel taudia ese animal idia bouboulaidia. Unai dainai, hoihoi taudia Ierusalem dekenai ese boromakau, mamoe bona manu idia hoihoilaidia. To idia be Dubu Helaga lalonai idia hoihoi bona moni idia abia koikoi unai animal edia davana idia habadaia kava neganai.

Iesu ia itadia neganai ia badu dikadika, varo dekena amo botaia gauna ta ia karaia bona hoihoi taudia ia luludia lasi. Moni idia senisia taudia danu edia moni ia bubua negea, bona edia pata ia bubua. Pune idia hoihoilaidia taudia dekenai ia boiboi, ia gwau: “Unai be umui kokia lao, egu Tamana ena ruma dekenai umui halaoa lasi.”

Iesu ena hahediba taudia ese unai idia itaia neganai, Dirava ena Natuna ia gwauraia peroveta herevana idia laloatao: “Oiemu ruma lau lalokau henia bada, inai lalokau be lauegu lalona dekenai ia siahu,lahi bamona.” To Iuda taudia idia nanadaia, idia gwau: “Inai bamona oi karaia ena anina be dahaka?” Iesu ia haere, ia gwau:”Inai dubu Helaga do umui kokia,vadaeni lau ese dina toi lalonai do lau haginia lou”

Iuda taudia idia laloa Iesu ese unai dubu korikorina ia herevalaia, to ia be ena tauanina ia herevalaia. Lagani toi murinai, Iesu be gara gauna amo ia toreisi lou neganai, ena hahediba taudia ese unai hereva idia laloa lou. Ioane 2:12-22; Mataio 13:55; Luka 4:23.

◆ Iesu ese headava ariana Kana dekenai ia rakatania murinai, edena gabudia dekenai ia lao?

◆ Dahaka dainai Iesu ia badu, bona dahaka ia karaia?

◆ Iesu ena kara idia itaia neganai, ena hahediba taudia ese dahaka idia laloatao?

◆ Iesu ese “inai Dubu Helaga” edena bamona ia gwauraia, bona ena hereva ena anina be dahaka?