Gima Kohorona INTANET LAIBRI
Gima Kohorona
INTANET LAIBRI
Hiri Motu
  • BAIBEL
  • PABLIKEISEN
  • HEBOUDIA
  • w96 8/15 rau 32
  • Do Oi Ura Lasi Oi Reaia!

Oi abia hidi kahana ena vidio ia noho lasi.

Sori, hekwakwanai ia vara vidio ia loud totona.

  • Do Oi Ura Lasi Oi Reaia!
  • 1996 Gima Kohorona Iehova Ena Basileia Ia Harorolaia
  • Inai Bamona Atikol
  • “Dirava Ena Hereva Abidadama Henia” Distrik Hebouhebouna Dekenai Oi Mai!
    1997 Gima Kohorona Iehova Ena Basileia Ia Harorolaia
  • “Dirava Hanamoa mai Moale Ida” Distrik Hebouhebouna, Iehova Ena Witness Taudia Edia
    1995 Gima Kohorona Iehova Ena Basileia Ia Harorolaia
  • Dirava Ena Maino Gwauraia Taudia Idia Hebou
    1997 Gima Kohorona Iehova Ena Basileia Ia Harorolaia
  • “Dirava Gari Henia” Distrik Hebouhebouna Oi Lao Henia!
    1994 Gima Kohorona Iehova Ena Basileia Ia Harorolaia
Ma Haida Itaia
1996 Gima Kohorona Iehova Ena Basileia Ia Harorolaia
w96 8/15 rau 32

Do Oi Ura Lasi Oi Reaia!

DAHAKA reaia? Hari ia kahirakahira noho hebouhebouna, Iehova ena Witness taudia edia “Dirava Ena Maino Gwauraia Taudia” Distrik Hebouhebouna! Tano momo dekenai, unai hebouhebou be Friday, daba 9:30 ai, ia matamaia miusik amo. Kahana ta ladana “Mai Goada ida Maino Idia Harorolaia Taudia Ita Kamonai” lalonai abidadama hagoadaia ekspiriens haida do oi kamonai murinai, lalona hagoadaia herevana “Dirava Ena Ura Ita Dekenai be Dahaka?,” do oi moalelaia.

Friday adorahi ena kahana badana ta be lalona hamarerea sinado herevana “Ita be Dirava Ena Maino Gwauraia Taudia.” Bena kahana ta ladana “Ma Haida Ita Durua Dirava Ena Ura Idia Diba Totona” lalonai, kamonai matamata taudia hadibaia karana dekenai durua daladia do idia gwauraia. Unai murinai be nega korikori ai idia halasia kahana rua herevana “Moale Karadia Lalonai Idia Hunia Tarapu Dainai, Oi Naria Namonamo” do idia henia. Friday ena program be inai hereva “Diabolo Umui Dadaraia, Dirava Sibona Umui Ura Henia” bona “Dirava Ena Hereva Ena Maoro Ita Abia Isi mai Eda Kamonai Ida” amo do idia hadokoa.

Saturday daba ena program ai, kahana toi herevana “Maino Ena Sivarai Namona Mailaia Taudia” ese do ia hahedinaraia loulou hadibaia taudia halaoa gaukarana be mai anina bada. Unai program hadokoa herevadia be “Gau Ita Henia mai Eda Moale ida, Iehova Ena Orea Lalonai” bona “Mauri Bona Maino, Gwauhamata Bona Bapatiso Amo.” Unai murinai hadibaia taudia matamatadia idia bapatiso do oi itaia diba.

Saturday adorahi herevana “Iehova Ena Lalohadai Mani Umui Laloa” ese inai bamona henanadaidia do ia haerelaia, ‘Keristani taudia be hari hapararaia gaukarana ta lalonai idia vareai, a?’ bona ‘Baibel ena hereva kara dika tauna hamasea karana dekenai be dahaka?’ Oi be lalona hagoadaia herevana “Maino Diravana ese Oi Ia Naria,” kahana rua herevana unai, do oi moalelaia bona hereva dokona, “Ruma Bese Lalonai Dirava Ena Maino Umui Tahua” do oi moalelaia bada.

Sunday daba ena program lalonai be inai kahana toi herevana, “Gwaukau Taudia Maorodia Dibaia Dalana” bona hereva ladana “Dirava Ena Hereva Oi Kamonaia Bona Oi Badinaia.” Daba ena program be drama ta amo do idia hadokoa; Gunalaia tauna Gideona ena sivarai Baibel lalonai ese sisiba mai edia anina bada do idia hahedinaraia.

Sunday adorahi ai, hebouhebou ena kahana dokona lalonai be pablik tok ladana, “Maino Momokanina Do Ia Vara!​—⁠Daika Ena Amo?” Bena dokonai, lalona hagoadaia herevana “Ita Dirava Ena Maino Gwauraia Taudia Ita Raka Vaira” murinai, hebouhebou do idia koua.

Hari emu dala oi hegaegaelaia, oi lao totona. Oiemu gabu amo ia kahirakahira hebouhebou gabuna oi diba totona, emu gabu dekenai Iehova ena Witness taudia edia Kingdom Hall oi lao eiava inai magasin idia halasia taudia oi tore henidia. July-September ena Noga! magasin be hebouhebou gabudia Papua New Guinea bona South Pacific ena motumotu dekenai ena lista ia hahedinaraia.

    Hiri Motu Pablikeisen (1987-2025)
    Log aut
    Login
    • Hiri Motu
    • Ta dekenai siaia
    • Preferens
    • Copyright © 2025 Watch Tower Bible and Tract Society of Pennsylvania
    • Gaukaralaia Taravatudia
    • Privacy Policy
    • Privacy Settings
    • JW.ORG
    • Login
    Ta dekenai siaia