‘Idia ese Kara Namo Bona Lalokau Idia Herevalaia’

VANEGAI lagani lalodiai, France dekenai taunimanima momo ese Iehova ena Witnes taudia edia ladana idia hadikaia. Inai henidia taudia ese sivarai ena kahana sibona idia henia bona hereva koikoidia be taunimanima edia vairanai idia gwauraia. Lagani 1999 ena matamanai, Iehova ena Witnes taudia ese France ena kahana ibounai dekenai pepapepa ladana People of France, You Are Being Deceived! ena kopi milioni 12 idia hariharilaia. Unai pepapepa lalonai, edia ladana hadikaia herevadia idia gwauraia dika.

Unai pepapepa idia hariharilaia bena dina haida murinai, Mr. Jean Bonhomme, doketa tauna ta bona guna Palamen ena memba ta, ese unai gabu ena niuspepa dekenai revareva ta ia siaia. Ia gwau: “Nega ta ta ai, Iehova ena Witnes taudia be egu ruma dekenai idia mai. Idia mai lau dekenai kara namo bona tanobada ibounai lalokauna idia herevalaia. . . . Taunimanima idia doria lasi. Mai manau danu idia hereva bona mai hebogahisi ida egu daradara gaudia idia kamonai.”

Iehova ena Witnes taudia edia lalohadai lauma gaudia dekenai ia herevalaia neganai, Mr. Bonhomme ia gwau: “Tanobada ena dala dekenai idia be aonega lasi, to unai ese ma haida ia hadikaia lasi. To, politikol taudia haida ese tanobada ena dala dekenai idia aonega lasi ese inai tano ena taunimanima edia maino bona edia noho namo ia hadikaia diba.”