Gima Kohorona INTANET LAIBRI
Gima Kohorona
INTANET LAIBRI
Hiri Motu
  • BAIBEL
  • PABLIKEISEN
  • HEBOUDIA
  • w11 1/1 rau 30-31
  • Ma Haida Dekenai Oi Gwauraia Diba Hunia Herevana

Oi abia hidi kahana ena vidio ia noho lasi.

Sori, hekwakwanai ia vara vidio ia loud totona.

  • Ma Haida Dekenai Oi Gwauraia Diba Hunia Herevana
  • Gima Kohorona Iehova Ena Basileia E Herevalaiamu—2011
  • Inai Bamona Atikol
  • Anina
    Noga!—2018
  • Ita Ura Diba Hunia Herevana Ta
    Emui Natudia Umui Hadibaia
  • Keristani Taudia Idia Hunia Diba Lasi Hunia Herevana Ta!
    1997 Gima Kohorona Iehova Ena Basileia Ia Harorolaia
  • Dirava Kamonai Henia Karana ena Hehuni Hereva Helagana Ia Hedinarai
    1990 Gima Kohorona Iehova Ena Basileia Ia Harorolaia
Ma Haida Itaia
Gima Kohorona Iehova Ena Basileia E Herevalaiamu—2011
w11 1/1 rau 30-31

Emui Natudia Hadibaia

Ma Haida Dekenai Oi Gwauraia Diba Hunia Herevana

TA ESE oi dekenai hunia hereva ta ia gwauraia vadaeni, a?​​—⁠a Lau ura oi dekenai hunia hereva ta lau gwauraia. Ia be hunia hereva helagana. Baibel ese ia gwauraia, “hunia herevadia, idaunegai ia mai bona hari be idia hunia.” (Roma 16:25) Matamanai Dirava sibona be unai “hunia herevadia” ia diba. To, hari do ita itaia edena bamona Dirava ese dala ia karaia taunimanima momo ese unai hunia herevadia idia dibaia totona.

Inai hereva, “helaga” ena anina oi diba, a?​​—⁠ Unai hereva ena anina be, gau ta ia goeva, eiava ia idau herea. Unai dainai unai hunia herevana idia gwauraia, hunia hereva helagana, badina ia be helaga Diravana amo. Oi laloa daidia idia ura unai hunia hereva idauna idia diba?​​—⁠ Aneru idia ura diba. Baibel ia gwau: “Inai kara bona Sivarai Namona, be aneru danu idia ura dikadika do idia itaia bona diba.” Oibe, idia ura unai hunia hereva helagana idia lalopararalaia.​—⁠1 Petero 1:⁠12.

Iesu be tanobada dekenai ia mai neganai, ia be unai hunia hereva helagana ia herevalaia bona ia gwauraia hedinarai matamaia. Iena hahediba taudia ia hamaoroa: “Dirava ena Basileia hereva ia hunia lasi umui dekenai.” (Mareko 4:11) Oi itaia unai hunia hereva helagana be dahaka?​​—⁠ Ia be Dirava ena Basileia, Iesu ia gwau unai Basileia dainai do ita guriguri!​—⁠Mataio 6:​9, 10.

Hari do ita itaia edena bamona Dirava ena Basileia be hunia gauna “idaunegai ia mai bona hari,” ela bona Iesu be tanobada dekenai ia mai bona unai ia gwauraia hedinarai matamaia. Adamu bona Heva ese Dirava ena taravatu idia utua bona Eden umana amo Ia luludia murinai, Dirava ena hesiai taudia be idia diba, Dirava ese tanobada ibounai be paradaiso ai do ia halaoa. (Genese 1:​26-28; 2:​8, 9; Isaia 45:18) Edia toretore lalonai idia hahedinaraia, Dirava ena Basileia henunai taunimanima be mai moale ida tanobada dekenai do idia noho.​—⁠Salamo 37:​11, 29; Isaia 11:​6-9; 25:8; 33:24; 65:​21-24.

Dirava ena Basileia ia Lohiaia Tauna mani oi laloa. Oi diba Dirava ese daika ia abia hidi ia Lohia totona, a?​​—⁠ Iena Natuna, “Maino ena Lohia,” Iesu Keriso unai. Baibel ia gwau: “Ia be iseda gunalaia tauna do ia lao.” (Isaia 9:​6, 7) Namona be oi bona lau ese “Dirava ena hunia hereva ena anina do [ita] diba. Keriso sibona be inai hunia hereva ena anina.” (Kolose 2:⁠2) Namona be ita diba, Dirava ese ia havaraia aneru ginigunana (lauma Natuna), ena mauri ia abia bona Maria ena bogana lalonai ia atoa. Unai Natuna, aneru goadana, be boubou gauna bamona Dirava ese tanobada dekenai ia siaia, unai amo ita be mauri hanaihanai ita abia diba.​—⁠Mataio 20:28; Ioane 3:16; 17:⁠3.

Dirava ese Iesu ia abia hidi Iena Basileia ia Lohiaia totona, to unai sibona ita dibaia be hegeregere lasi, namona be unai hunia herevana dekenai gau ma haida ita dibaia. Unai hunia herevana ena kahana ta be inai: Tatau bona hahine haida be Iesu, mase amo ia toreisi lou tauna, ida guba dekenai do idia noho. Idia be Iesu ida guba dekenai do idia lohia!​—⁠Efeso 1:​8-12.

Iesu ida do idia lohia taudia haida edia ladadia mani ita dibaia. Iesu ese ena kamonai aposetolo taudia ia hamaoroa, ia be do ia lao bona idia totona gabu ta do ia hegaegaelaia. (Ioane 14:​2, 3) Idia noho siridia oi duahia neganai, Iesu ida ena Tamana ena Basileia lalonai do idia lohia tatau bona hahine haida edia ladadia do oi itaia.​—⁠Mataio 10:​2-4; Mareko 15:​39-41; Ioane 19:⁠25.

Nega daudau lalonai, ta be ia diba lasi taunimanima hida be Iesu ida ena Basileia lalonai do idia lohia. To hari edia namba ita diba. Oi diba taunimanima hida do idia lohia, a?​​—⁠ Baibel ia gwau taunimanima 144,000. Unai danu be hunia hereva helagana ena kahana ta.​—⁠Apokalupo 14:​1, 4.

Oi abia dae “Dirava ena Basileia” ena hunia hereva helagana be taunimanima ese idia dibaia hunia hereva hereadaena, a?​​—⁠ Bema oibe, vadaeni namona be unai hunia herevana ita diba namonamo, unai amo taunimanima momo herea dekenai ita gwauraia hedinarai diba.

[Footnote]

a Bema natuna ta ida inai kahana umui duahia hebou, des maka (​​—⁠) be oi ia hadibaia oi laga-ani eiava nega oi henia natuna ia haere totona.

HENANADAI:

▪ Ita herevalaia hunia herevana be dahaka, bona dahaka dainai unai bamona idia gwauraia?

▪ Unai hunia herevana be dahaka, bona daika be tau ginigunana taunimanima dekenai unai ia hadibaia matamaia?

▪ Unai hunia hereva dekenai dahaka gaudia ma haida oi dibaia?

▪ Edena bamona unai hunia hereva helagana be emu turana dekenai oi gwauraia hedinarai diba?

[Picture on page 31]

Oi laloa aneru be dahaka idia ura diba?

    Hiri Motu Pablikeisen (1987-2025)
    Log aut
    Login
    • Hiri Motu
    • Ta dekenai siaia
    • Preferens
    • Copyright © 2025 Watch Tower Bible and Tract Society of Pennsylvania
    • Gaukaralaia Taravatudia
    • Privacy Policy
    • Privacy Settings
    • JW.ORG
    • Login
    Ta dekenai siaia