BAIBEL HENANADAI EDIA HAERE

Iesu ena mase ena namo be dahaka?

Dirava ia ura tanobada ai taunimanima idia mauri hanaihanai bona do idia gorere lasi o mase lasi. To, tau ginigunana, Adamu, ese Dirava ia gwau-edeede henia bena mauri hanaihanai ia haboioa. Adamu dainai, taunimanima ibounai idia mase. (Roma 5:8, 12; 6:23) Dirava momokanina, Iehova, ese ena Natuna, Iesu ia siaia tanobada dekenai ia mase, bona Adamu ese ia haboioa maurina ia abia lou.​—Ioane 3:16 duahia.

Iesu ena mase dainai, Dirava ese eda dika ia gwauatao bona mauri hanaihanai ita abia diba. Baibel ese tanobada matamatana ia herevalaia dalana ita laloa​—unuseniai buruka, gorere, bona mase be lasi.​—Isaia 25:8; 33:24; Apokalupo 21:4, 5 duahia.

Edena dala ai Iesu ena mase ita laloatao be namo?

Iesu ena mase negana ia kahirakahira neganai, hanuaboi ai, Iesu ese ena aposetolo taudia ia hamaoroa hebou maragina ta idia karaia, iena mase idia laloatao totona. Lagani ta ta ai, Iesu ena mase laloatao hebouna ita karaia neganai, unai ese ita ia durua, Iesu bona Iehova ese taunimanima idia lalokau henia dalana ita laloa totona.​—Luka 22:19, 20; 1 Ioane 4:9, 10 duahia.

Inai lagani ai, Iesu ena mase laloatao hebouna be Monday, April 14, dina ia diho murinai do idia karaia. Oi ai boiria emu gabu ai Iehova ena Witnes taudia ese idia karaia hebouna dekenai oi lao totona.​—Roma 1:11, 12 duahia.