Gima Kohorona INTANET LAIBRI
Gima Kohorona
INTANET LAIBRI
Hiri Motu
  • BAIBEL
  • PABLIKEISEN
  • HEBOUDIA
  • km 2/93 rau 5-6
  • Pioneer Gaukara Lalohadaina Oi Abia, A?

Oi abia hidi kahana ena vidio ia noho lasi.

Sori, hekwakwanai ia vara vidio ia loud totona.

  • Pioneer Gaukara Lalohadaina Oi Abia, A?
  • Iseda Basileia Gaukara—1993
  • Sinado maragidia
  • Inai Bamona Atikol
  • PIONEER GAUKARA LALOHADAINA ABIA DALANA
  • NAMO IA HAVARAIA
  • Painia Gaukara Ena Hahenamo
    1997 Gima Kohorona Iehova Ena Basileia Ia Harorolaia
  • Pioneer Gaukara Do Oi Karaia Diba, A?
    Iseda Basileia Gaukara—1993
  • Oi Laloa Painia Gaukara amo Iehova Oi Hesiai Henia Diba, A?
    Iseda Basileia Gaukara—2003
  • Painia Taudia be Daidia?
    Daidia Be Hari Iehova Ena Ura Idia Karaia Noho?
Ma Haida Itaia
Iseda Basileia Gaukara—1993
km 2/93 rau 5-6

Pioneer Gaukara Lalohadaina Oi Abia, A?

1 Pioneer gaukara lalohadaina oi abia, ena anina be dahaka? Unai anina be Iesu ena hahegani haroro bona hahediba gaukarana dekenai oi ura badinaia, bona oi ura taunimanima dekenai lalokau bona moale oi ura davaria Gunalaia Tauna Iesu murinai raka karana amo, bona lauma durua gaudia oi moalelaidia bada, tauanina durua gaudia oi moalelaidia maragi.

2 Iehova ena bese taudia ese pioneer gaukara lalohadaina idia abia. Ena be dagedage dikadia bona hetoho haida idia davaridia, to mai moale danu Basileia ena sivarai namona idia harorolaia goadagoada noho. Basileia ena sivarai namona harorolaia goadagoada ena moale be ia hedinaraia goevagoeava Dirava ena orea taudia edia distrik hebouheboudia dekenai ia hedinarai moalena ese ita pioneer bona pablisa taudia ia hagoadaia ita gaukara goada totona.

3 Hari, ita be nega dokona lalonai ita noho dainai, mauri ena hekwarahi ese iseda lalona ia hametaua neganai, lauma gaudia ura henia bada karana ia boio diba. Namona be ta ta ese sibona dekenai inai henanadai ia gwauraia: ‘Pioneer gaukara lalohadaina lau abia, a? Mauri ena hekwarahi ese lauegu lalona ia hametaua dainai, unai lalohadai lau abia lasi, a? Hereva momokani lau goadalaia, bona lau ura Dirava ena Basileia ma haida dekenai lau harorolaia, a? Kongregesen lalonai tadikaka bona taihu lau hagoadadia pioneer gaukara lalohadaina idia abia totona, bona Dirava ena gaukara idia habadaia totona, a? Dahaka do lau karaia haroro gaukara do lau ura henia bada totona?’

PIONEER GAUKARA LALOHADAINA ABIA DALANA

4 Pioneer gaukara lalohadaina be kudouna ena ura amo ia mai, bona gau badana be unai ura ita habadaia. Kudou be ita hadibaia ita duahia bona ita kamonai henidia gaudia amo, unai dainai Bible ita stadilaia be gau badana, pioneer gaukara lalohadaina ita habadaia totona. Paulo be Timoteo dekenai ia gwau: “Oiemu diba bona goada do oi gaukaralaia, mai oiemu lalona ibounai. . . Inai kara namodia do oi karaia noho badina unai dekenai amo oi sibona mauri do oi davaria, bona oi idia kamonai taudia danu mauri do idia davaria.” (1 Tim. 4:​15, 16) Vadaeni, gau badana be lauma gaudia ita lalodia noho iseda kudouna dekenai idia vareai totona, bona ura namona havaraia totona. Bema unai bamona ita karaia Dirava ena ura do ita karaia mai eda lalona ibounai ida. Bena lauma gaudia do ita lalodia bada bona dala do ita tahua iseda haroro gaukara ita habadaia totona.

5 Ita herevalaia gaudia ese iseda tadikaka edia lalona idia hadikaia eiava idia hagoadaia diba. (Ef. 4:29) Iseda ekspiriens namodia haroro gaukara lalonai, eiava hebou dekenai, bona sibona eda stadi amo ita dibaia hereva namodia, bema ma haida dekenai ita kikilaidia neganai, unai be hagoadaia gauna idia dekenai. Danu, dina ta ta dekenai herevana taunimanima be edeseniai ita davaraia, dala ita tahua haroro henidia totona, a? Bema oibe, ita tohotohoa tauna Iesu ena murinai ita raka unai.​—Ioane 4:​7-10.

6 Dekena tauna lalokau henia karana ese ita ia durua pioneer gaukara lalohadaina ita abia totona. (Mat. 22:39) Iesu be unai bamona lalokau karana ia hahedinaraia tanobada dekenai ia noho neganai. Ia ese taunimanima ia hebogahisi henidia bona ia ura ia durudia, ena be unai anina be do ia mase. (Mat. 9:36; Roma 5:6) Bema Keriso ena kara ita tohotohoa, hebogahisi karana do ita hahedinaraia, bona lauma dalanai do ita ura dikadika iseda dekena taudia ita durudia toho, ita idia dadaraia be herevana.

NAMO IA HAVARAIA

7 Pioneer gaukara lalohadaina ita hahedinaraia neganai, hahenamo bona heduru momo ita abia. Iseda haroro gaukara ita habadaia neganai, hahediba taudia namodia ai ita lao, bona unai amo moale bada ita davaria diba. Kongregesen lalonai pioneer gaukara lalohadaina ia bada ia lao neganai, tadikaka edia moale bona lauma goadana idia bada idia lao danu. Elda ta ese pioneer gaukara ena heduru ena kongregesen lalonai ia gwauraia inai bamona: “Hari, emai kongregesen ena mamina be ia idau! Kongregesen taudia edia kara be idau. Tadikaka bona taihu ese edia haroro gaukara idia habadaia noho.

[Questions]

1. (a) Dahaka gaudia ese pioneer gaukara lalohadaina idia koua diba? (b) Namona be ta ta ese sibona dekenai dahaka henanadai ia gwauraia?

2. (a) Dahaka dainai sibona dekenai Bible stadilaia karana be ita ia durua pioneer gaukara lalohadaina ita abia totona? (b) Lauma gaudia lalodia noho karana be edena bamona ita ia durua pioneer gaukara lalohadaina ita abia totona?

3. Ita herevalaia gaudia be edena bamona ita ia durua pioneer gaukara lalohadaina ita abia totona?

4. Dekena tauna lalokau henia karana be edena bamona ita ia durua pioneer gaukara lalohadaina ita abia totona?

5. Kongregesen lalonai bona ita ta ta dekenai dahaka namo ia vara pioneer gaukara lalohadaina ita abia neganai?

6. Pioneer gaukara lalohadaina oi abia, ena anina be dahaka?

7. (a) Pioneer gaukara lalohadaina be edeseniai ia hedinarai goevagoeva? (b) Unai ese pablisa edia lalona ia veria dahaka idia karaia totona?

    Hiri Motu Pablikeisen (1987-2025)
    Log aut
    Login
    • Hiri Motu
    • Ta dekenai siaia
    • Preferens
    • Copyright © 2025 Watch Tower Bible and Tract Society of Pennsylvania
    • Gaukaralaia Taravatudia
    • Privacy Policy
    • Privacy Settings
    • JW.ORG
    • Login
    Ta dekenai siaia