Sivarai Namona Harorolaia—Hakala Namonamo Karana Amo
1 Haroro gaukara do ita karaia namonamo totona, namona be ita diba taunimanima edia lalohadai be tamona lasi. Idia ta ta iboudiai edia mauri ena kara, edia lalo-hekwarahi, bona idia ura henia gaudia be idauidau. Iseda maduna be Basileia ena sivarai ita harorolaia ta ta iboudiai edia lalona idauidau ita veria totona; unai anina be ita hereva henia tauna ita hadibaia dahaka namo do ia davaria diba. Unai ita karaia totona iena hereva ita hakala henia namonamo be gau badana.
2 Pablisa taudia momo ese ruma taudia dekenai hereva idia hamatamaia totona henanadai idia henia, unai dala amo ruma taudia danu idia kiki hebou diba. Ruma tauna ena lalona idia veria to idia hahemaraia lasi henanadai idia henia neganai be namo danu. To ruma tauna ia hereva neganai, gau badana be iena hereva ita hakala henia. Unai bamona ita karaia neganai, unai be dekena tauna lalokau henia bona mataurai henia karadia, bona hakala henia karana amo unai tau ena lalohadai ita diba. Unai tau ena hekwakwanai ita diba neganai, ita hebogahisi henia diba, hegeregere ita be iena hemami ita abia. Unai neganai Bible dekena amo heduru bona helaro herevana ita kikilaia hebou diba.
HEREVA HAIDAUA DALANA
3 Aposetolo Paulo ena sisiba be inai: “Nega ibounai mai laloa namona bona mai gado namo do umui hereva.” (Kol. 4:6) Ena be ita diba lasi taunimanima ese dahaka do idia herevalaia, to taunimanima momo idia davaria hekwakwanai ita diba. Unai dainai bema ita ‘laloa namonamo’ bona lalona dekenai ita hegaegae, taunimanima ida edia hereva idauidau ita kikilaia hebou diba.
4 Hegeregere, reana ita hegaegae tanobada ena maino sivaraina do ita kikilaia totona, to ruma tauna ia gwau ena moni gaukara ia haboioa. Iena hereva ita laloaboio be namo, a? Reana, ruma bese durua gaukarana ia boio dainai, ena lalona bona kudouna dekenai ia lalo-hekwarahi bada. Edena bamona do oi durua diba? Emu hebogahisi ia dekenai oi hahedinaraia diba, oi hahedinaraia oi lalohisihisi badina ia dekenai unai kara ia vara dainai. Bena mai hebogahisi danu ena lalona oi veria Bible ena hereva do ia laloa totona. Oi hadibaia Dirava ena gavamani ese ita do ia durua gaukara namona bona iseda ura gaudia ibounai do ita abia totona.—Isa. 65:17, 21, 22, 24.
5 Reana ita kamonai raskol taudia ese ruma tauna eiava iena varavara tauna ta idia haberoa, eiava ia dekenai kara maoromaoro lasi karana ia vara. Bema iseda hebogahisi ia dekenai ita hahedinaraia neganai, reana unai ese ena lalona do ia hamanokaia, bena unai neganai ita hadibaia diba Iehova Dirava be unai hisihisi havaraia hekwakwanai ia diba, bona kahirakahira kara ta do ia karaia kara dika ibounai do ia kokia totona.—Reasoning buka, rau 10, 12, 229-231 oi itaia.
6 Nega momo taunimanima idia hetura namonamo lasi, badina idia herevahereva hebou namonamo lasi. Ta ia hereva neganai, ia hereva henia tauna be ena taiana amo ia kamonai, to ena lalona bona kudouna ida ia hakala namonamo lasi. Unai hakala namonamo lasi karana dainai, heai ia vara diba eiava taunimanima durua dalana do ita reaia diba. Bema mai hemataurai danu hereva hakala henia karana ita manadalaia, unai ese ita ia durua sivarai namona ita harorolaia namonamo totona, Iehova ena lalo-namo taunimanima dekenai ita tohotohoa diba, bona taunimanima ma haida ita durudia diba ita ia havaraia lalokau Diravana bona iena taunimanima idia turana henia totona.—Iak. 1:19; Awake! 11/22/1974, rau 21-23.
[Questions]
1. (a) Pablisa iboudiai edia maduna be dahaka? (b) Dahaka dainai ta ese ita ia hereva henia neganai ita hakala namonamo be gau badana?
2. (a) Ruma tauna ia hereva neganai, dahaka dainai iena hereva ita hakala henia namonamo? (b) Ruma tauna ena hekwakwanai ita diba neganai, dahaka ita karaia diba?
3. (a) Kolose 4:6 ena sisiba pablisa ta ta iboudiai dekenai be dahaka? (b) Pablisa tauna ese unai sisiba ia badinaia neganai dahaka do ia karaia diba?
4, 5. Ruma tauna ese ena hekwakwanai ia gwauraia hedinarai neganai, bema mai hebogahisi danu ita hakala henia, dahaka ia vara diba?
6. Nega momo dahaka ia vara ta ia hakala namonamo lasi neganai? Nega momo dahaka ia vara ta ia hakala namonamo neganai?