Lou-Henia Karaia Baibel Idia Laloa Noho Totona
1 Nega momo haroro gaukara lalonai taunimanima be sivarai namona idia ura kamonai henia, to ita vadivadi henidia negana lalonai idia bisi. Ma nega ta ai ita lou henidia Basileia ena sivarai namona idia dekenai do ita kikilaia totona, a? Reana ruma tauna danu lalona veria herevana ita kikilaia hebou, to buka eiava magasin ia abia lasi. Ma nega ta ai ita lou henia hereva momokani do ita kikilaia hebou lou totona, a?
2 Iseda teritori dekenai idia noho taudia iboudiai ita davaridia bona kamonai taudia ita lou henidia be gau badana. Buka eiava magasin idia abia taudia sibodia ita lou henidia, a? Bema oibe, reana ita be kamonai taudia haida ita reaia. Namo lasi ita hahemaoro karaia, ita gwau buka eiava magasin idia abia lasi dainai, lauma dalanai ita durudia be anina lasi. (Roma 14:4 itaia danu.) Reana ruma tauna ita vadivadi henia murinai, iseda hereva do ia laloatao eiava iseda hewarahi ita vadivadi henia totona do ia laloa. Reana ita lou henia neganai ia ura iseda hereva ia kamonai henia.
3 Guna ia bisi tauna ita lou henia neganai, inai bamona ita hereva diba:
◼ “Lau moale ita hedavari lou dainai. Guna lau mai neganai, ita kiki daudau lasi badina oi be nega lasi. Lau itaia oi bisi noho, unai dainai hereva kwadogina sibona do lau gwauraia. Reana oi ura oi bona oi emu ruma bese lalokau taudia be gorere idia abia lasi. Dirava ia gwauhamata gorere iboudiai do ia kokidia totona, unai oi diba, a? Unai be namo momokani, ani? [Naria do ia haere totona.] Namona be Mauri Hanaihanai Paradaiso Lalonai buka ena karoa ginigunana ena paragraf 11 ena hereva oi itaia. Bema ena nega ia hegeregere, paragraf oi duahia bona paragraf dokonai ia noho Baibel siri ta, tanobada matamata sivaraina ia gwauraia gauna, oi duahia. Rau 11, 12 bona 13 dekenai idia noho laulaudia ia dekenai oi hahedinaraia danu. Bema ruma tauna ia ura kamonai noho, reana ia dekenai Baibel stadi oi hamatamaia diba.
4 Guna pepapepa ta ia abia tauna oi lou henia neganai, reana inai bamona oi hereva diba:
◼ “Guna lau mai neganai oi ese Daika ese Tanobada Ia Lohiaia? pepapepana oi abia. Satana ese inai tanobada ia biagua ena hereva oi abia dae be ia auka, a? [Naria ia haere totona.] Namona be rau 6 ena paragraf ginigunana oi itaia.” Unai paragraf oi duahia bona inai henanadai oi henia: “Dahaka dainai Satana ia ura ita ia koia?” Ruma tauna ia haere murinai, rau 3 ena paragraf 4 ena hereva umui kikilaia hebou. Murinai unai pepapepa ena sivarai ma haida do oi kikilaia diba, eiava Mauri Hanaihanai Paradaiso Lalonai bukana ia dekenai do oi hahedinaraia bona rau 18, karoa 2 paragraf 7 ia lao 9 edia hereva oi kikilaia diba.
5 Namona be ita goada karaia haroro gaukara dekenai ita davaria kamonai taudia ita lou henidia totona, ena be nega sisina sibona ita kiki hebou diba. Taunimanima edia namo ita tahua, bona ita ura durudia hereva momokani idia diba totona be gau badana. Iehova ena orea ese ita dekenai buka bona heduru herevadia ia henia, bona unai gaudia ese ita idia durua dainai, taunimanima ma haida ita durudia diba bena idia lalo-parara lauma gaudia idia tahua be namo.—Mat. 5:3.
6 Bema ia kamonai sisina sibona taunimanima ta danu umui kiki namo herea, namona be oi lou henia oi durua noho totona. Reana ia dekenai Baibel stadi ta oi hamatamaia diba bona ia be mauri lao henia dalana dekenai do ia raka lao. Umui ibounai ai hagoadaia unai mauri havaraia gaukarana do umui karaia noho totona.—1 Tim. 4:16.
[Questions]
1. (a) Haroro gaukara dekenai taunimanima idia bisi neganai, dahaka do ita karaia be namo? (b) Bema ruma tauna ia ura kamonai to ia ura lasi buka eiava magasin ia abia, dahaka do ita karaia?
2. Ena be taunimanima be buka eiava magasin idia abia lasi, to dahaka dainai lauma dalanai ita hagoadaia toho noho be namo?
5. Dahaka dainai ita goada karaia lou-henia ita karaia totona?
6. Ia kamonai sisina sibona ita lou henia neganai, reana dahaka do ia vara diba?