Gima Kohorona INTANET LAIBRI
Gima Kohorona
INTANET LAIBRI
Hiri Motu
  • BAIBEL
  • PABLIKEISEN
  • HEBOUDIA
  • km 2/94 rau 4-6
  • Teritori ai Ita Haroro Momo Neganai

Oi abia hidi kahana ena vidio ia noho lasi.

Sori, hekwakwanai ia vara vidio ia loud totona.

  • Teritori ai Ita Haroro Momo Neganai
  • Iseda Basileia Gaukara—1994
  • Inai Bamona Atikol
  • Oi be Herevalaia Bukana Oi Gaukaralaia, A?
    Iseda Basileia Gaukara—2008
  • Lalona Veria Hamatamaia Herevadia
    Iseda Basileia Gaukara—1995
  • Hamatamaia Hereva Namodia Hegaegaelaia Daladia
    Iseda Basileia Gaukara—2013
  • Sivarai Namona Harorolaia—Ruma-Ta-Ruma-Ta Gaukara Amo
    Iseda Basileia Gaukara—1994
Ma Haida Itaia
Iseda Basileia Gaukara—1994
km 2/94 rau 4-6

Teritori ai Ita Haroro Momo Neganai

1 Ita moale badina kongregesen momo dekena amo ripoti ese idia hahedinaraia edia teritori dekenai idia haroro loulou. (Mat. 24:14; 1 Tim. 2:​3, 4) Ena be unai ita karaia be ia auka sisina, to ia hedinarai vadaeni, bema ita hegaegae namonamo, bona idia vara diba gaudia ita hanaidia diba, iseda haroro gaukara dekenai do ita kwalimu diba.

2 Hamatamaia Hereva Namodia be Mai Anina Bada: Ita hegaegaelaia guna hamatamaia hereva haida ita lalodia tao do ita gaukaralaidia be gau badana. Namona be idia ese hereva badana bona ita haroro loulou ena badina do idia hahedinaraia namonamo.

3 Buka Helaga Herevalaia buka dekenai hamatamaia hereva namodia momo idia noho ita gaukaralaidia totona. Rau 17 ena kwarana maragina “Nega Momo Ita Haroro Loulou Gabudiai” henunai be hamatamaia hereva daladia toi idia torea.

Hereva be inai bamona:

◼ “Lau moale oi lau davaria dainai. Vaia emai kara, pura iboudiai inai gabu dekenai umui noho taudia ai vadivadi henia. Hari dina lau ura Dirava ena Basileia ena hahenamo ma ta lau gwauraia hedinarai oi dekenai.”

◼ “Namo. Lau moale oi lau davaria lou dainai. . . . Oi bona emu ruma bese taudia umui namo, a? . . . Lau mai inai hereva namona gwauraia totona . . . ”

◼ “Daba namona. Oi namo? . . . Lau ura oi ida do ita herevahereva lou. (Oi ura herevalaia gauna oi gwauraia hedinarai.)” Oi ura emu teritori dekenai oi gaukaralaia atai herevadia haida oi abia hidi inai haheitalai karaia totona.

4 Teritori dekenai idia haroro loulou neganai, hamatamaia herevana idia kehoa totona, pablisa taudia haida ese niuspepa amo sivarai ta idia kikilaia. Buka Helaga Herevalaia buka lalonai dala toi ia gwauraia. Namona be rau 16 dekenai hereva maragina “Taravatu Utua Karadia/Noho Namo” henunai, hamatamaia hereva iharuana, bona rau 13 bona 14 ai, “Hari Inai Negai Idia Vara Karadia” henunai, hamatamaia hereva ginigunadia rua oi itaia.

Hereva be inai bamona:

◼ “Namo. Do ita noho namo dalana be taunimanima ida ai herevalaia. Raskol karadia bona taravatu utua karadia ma haida be bada, bona unai ese iseda noho ia hadikaia, ani? Oi laloa, nega do ia mai bena hanuaboi ai dala dekenai do ita loaloa diba mai edia gari lasi, a? (Eiava, Oi laloa unai hekwakwanai kokia dalana be ta ia diba, a?) . . . (Her. 15:3; Sal. 37:​10, 11)”

◼ “Lauegu ladana be ​—​—. Lau be inai gabu tauna ta. Hari dabai lau raka mai neganai, lau kamonai taunimanima momo be inai idia herevalaia: (varani o vanegai ia vara raskol karana ta eiava taunimanima ese idia kikilaia momo karana ma ta oi gwauraia hedinarai). Edena bamona oi laloa? . . . Oi ese iseda noho do ia hanamoa diba gauna ta oi laloa, a? (Her. 1:33; 3:​5, 6)”

5 Hamatamaia Hereva Oi Hegaegaelaidia Neganai: Buka Helaga Herevalaia buka dekenai idia torea hamatamaia herevadia hegeregeredia oi gaukaralaidia diba. Oi sibona emu hereva amo oi gwauraidia diba. Haroro gaukara dekenai oi do gwauraidia lasi neganai, ia manada vadaeni pablisa ta ida do oi hegaegaelaidia be namo.

6 Hegeregere inai bamona do oi hereva diba:

◼ “Guna, oi ai vadivadi henia murinai, [hanua dekenai taunimanima idia kikilaia momo sivaraina ta oi gwauraia.] Ita ibounai ese unai dika ena mamina ita abia, bona iseda dekena taudia momo idia gwau unai gau dainai idia gari. Unai gau dainai reana oi laloa momo danu, ani? [Naria do ia haere totona.] Hari inai negai, tanobada hegegemadai idia vara gau dikadia dainai, reana oiemu lalohadai be peroveta tauna Ieremia ena hereva karoa 10 siri 23 hegeregerena?” Unai siri oi duahia murinai, ruma tauna ena lalohadai unai siri dekenai do oi tahua, bena ena lalona do oi veria ma Baibel siri ta dekenai, unai siri be Iehova ese unai hekwakwanai do ia kokia dalana do ia hahedinaraia.

7 Eiava inai bamona oi hereva diba:

◼ “Sedira hari niuspepa lalonai inai sivarai oi kamonai [ia vara gauna ta oi gwauraia]. Ita ibounai ese unai dika ena mamina ita abia, ani? [Naria do ia haere totona.] Iseda helaro be gavamani ese dala do ia davaria unai dika do ia hamaragia totona; to, Baibel ese unai dika do ia ore momokani dalana ia hahedinaraia.” Dirava ese dahaka do ia karaia ia herevalaia Baibel sirina ta oi gwauraia.

8 “Dahaka Dainai Nega Momo Umui Mai?” Unai ura lasi herevadia haerelaia dalana be Buka Helaga Herevalaia buka dekenai idia torea, rau 24 ena hereva maragina “Dahaka Dainai Umui Mai Hanaihanai?” henunai.

Unuseniai ia gwau:

◼ “Badina be ai laloa, ita be Baibel ese ia gwauraia dina gabedia lalodiai ita noho. Ai laloa namona be ita ibounai ese hari inai nega ena dika idauidau dainai do idia vara gaudia ita laloa. (Vanegai o hari idia vara gaudia ta o rua oi gwauraia.) Henanadai badana be inai, Dahaka ita karaia diba, inai tanobada oromana ena dokona amo do ita roho mauri totona?”

◼ “Badina be ai ese Dirava bona emai dekena taudia ai lalokau henidia dainai. Namona be ita ibounai be inai bamona ita karaia, ani?”

Ena be idia henanadai lasi, to bema nega ibounai ita gima noho haroro hereva namona do ita henia diba, bena do idia lalo-parara ai ese Dirava bona emai dekena taudia ai lalokau henidia dainai nega momo ai mai. Iesu ena hereva Ioane 21:​15-17 dekenai ita kikilaia be heduru hereva namona.

9 Ela bona Iehova do ia gwau vadaeni, teritori dekenai ita do haroro momo. Bema iseda lalona ita hadaia unai do ita karaia noho totona, ita diba Dirava ese ita do ia hakaua, ita do ia naria, bona ita do ia hanamoa ela bona dokona do ia ginidae.​—Mat. 28:​19, 20.

[Questions]

1. Teritori dekenai ita haroro loulou neganai, dahaka do ita karaia diba ita kwalimu totona?

2. Teritori dekenai ita haroro loulou neganai, dahaka ese ita ia durua ita karaia namonamo totona?

3-5. Hamatamaia hereva namodia be edeseniai do ita davaria diba?

6, 7. Lou henia dekenai edena hereva haida do oi kikilaia diba?

8. Inai henanadai, “Dahaka dainai nega momo umui mai?” haerelaia totona edena Baibel siri do oi gaukaralaia diba?

9. Edena dala ta amo Iehova ese ita do ia hakaua, ia naria, bona ia hanamoa?

    Hiri Motu Pablikeisen (1987-2025)
    Log aut
    Login
    • Hiri Motu
    • Ta dekenai siaia
    • Preferens
    • Copyright © 2025 Watch Tower Bible and Tract Society of Pennsylvania
    • Gaukaralaia Taravatudia
    • Privacy Policy
    • Privacy Settings
    • JW.ORG
    • Login
    Ta dekenai siaia