Basileia Herevana—Ena Anina Ita Diba
1 Hadoa tauna sivaraina lalonai, Iesu ia gwau tano namona dekenai ia moru uhena be “hereva ia kamonaia, bona iena lalona ia kehoa momokani” tauna ia laulaulaia. (Mat. 13:23) Basileia ita kamonaia bona iseda ‘lalona ita kehoa momokani’, a? Iseda mauri lalonai ia be mai anina bada, a? Basileia ita atoa guna, bona unai amo ita hahedinaraia ena hereva ena anina ita lalo-pararalaia, a?
2 Basileia herevana ita lalo-pararalaia totona, gau badana be siboda ita stadi. Namona be nega ita makaia lauma aniani ita laloa totona. Gima Kohorona duahia haraga be hegeregere aniani namona ita hadonoa haraga sibona. Nega oi gaukaralaia lauma aniani lalohadailaia namonamo totona, a? Namo bada oi davaria totona, namona be doria gauna namona dainai lauma aniani oi ura bada. Bema lasi, ma kara haida be siboda eda stadi ena namo idia hamaragia eiava ena nega idia haorea diba. Stadi ena sediual namona ita badinaia be auka. Ena be unai bamona ita karaia totona anina bada gaudia ita sikelea namonamo be gau badana, to lauma dalana ai ita taga bada.—Aon. 3:13-18; Kol. 1:27.
3 Dina ta ta ai Buka Helaga Tahua ese ita ia durua dala maorona ai Basileia ita lalohadailaia totona. ‘Idia diba lauma dalanai idia dabu taudia’ be dina iboudiai dekenai miniti haida lalonai dina ena siri idia duahia. (Mat. 5:3) Dina ena siri momo ese Basileia ena anina idia herevalaia. Hegeregere, November 22, 1994, ena siri be Mataio 13:4. Unai dina ena hereva be Basileia helarona ia herevalaia bona ita ia hadibaia lou, varavara bona dekena taudia bamodia momo karana ese hekwakwanai ia havaraia diba. Tanobada hegegemadai Betele rumadia ai, gaukara dinadia ta ta lalonai dina ena siri idia herevalaia miniti 15 lalodiai ese dina ena siri herevalaia hebou karana ena namo bona ena anina ena bada ia hahedinaraia namonamo. Emui ruma bese be dina ta ta ai inai bamona umui karaia danu, a?
4 Basileia oi laloa bada noho lalonai, do oi ura bada Basileia herevana oi henia mai haida dekenai. Gima Kohorona bona Noga! ese sivarai bona diba matamatadia, iseda lalona ena bensin bamona gaudia, idia henia. Ita idia durua dahaka dainai tanobada be Dirava ena Basileia ia abia be gau badana ita laloa totona. Ita idia durua lauma gaudia ita laloa bada, ‘Keriso ena laloa idia abia vadaeni’ taudia ai ita lao. (1 Kor. 2:15, 16) Unai ibounai ese iseda helaro ia hagoadaia bona iseda Basileia helarona harorolaia urana ia habadaia.—1 Pet. 3:15.
5 Ita ta ta sibona ese Basileia herevana ena anina ita abia be gau badana. Basileia amo, Dirava ese ena lohia siahuna do ia abia isi, dika do ia haorea, bona tanobada matamatana do ia mailaia—paradaiso. Iesu ese ita ia hagania unai ita atoa guna iseda mauri lalodiai. Ita ia lohiaia totona, ita be mamoe bamona taudia be gau badana. (Mat. 6:10, 33) Umui hekwarahi bada, ena hahenamo moalelaia totona.