“Taunimanima Ibounai be Do Idia Lalokau Heheni, A?”
1 Lalona hamoalea bona hagoadaia sivarai namona ta be gado 169 dekenai tanobada hegegemadai do idia harorolaia. Unai sivarai be dahaka? Bona edena bamona do idia harorolaia?
2 Unai sivarai be dekena tauna lalokau henia sivaraina. Basileia Sivaraina pepana Namba 35 lalonai ita davaria diba, ena hereva kwarana be “Taunimanima Ibounai be Do Idia Lalokau Heheni, A?” Inai Basileia Sivaraina pepana ese hereva kwadogina amo hari inai negai tanobada hegegemadai idia vara karadia ia herevalaia, ia hahedinaraia unai idia vara badina taunimanima be lalokau idia hahedinaraia lasi bona unai ese lalo-metau bona hisihisi ia havaraia. Ia hahedinaraia, dahaka dainai iseda nega lalonai, dekena tauna lalokau henia karana ia keru bona unai ena anina nega vaira totona ia herevalaia.
3 Danu, Basileia Sivaraina pepana Namba 35 ia hahedinaraia dekena tauna lalokau henia momokani karana be hari inai negai ia noho, tanobada hegegemadai taunimanima milioni huanai. Ia ese Keristani gaukara ginigunana idia haginia lou taudia ia hahedinaraia—aposetolo edia nega ai ia noho tomadihona, ena toana badana be dekena tauna lalokau henia karana, Iesu Keriso ese ia hadibaia hegeregerena.—Luka 10:25-37.
4 Basileia Sivaraina pepana Namba 35 ena hereva dokona ese Dirava ena Basileia henunai, Keriso ena amo, tanobada hegegemadai taudia ibounai ese dekena tauna lalokau henia karana do idia hahedinaraia dalana ia gwauraia hedinarai. Inai sivarai idia duahia taudia ai hagoadaia Dirava Ia Ura Dahaka Ita Karaia? buklet idia abia bona unai amo do idia diba edena dala ai Dirava ena hereva ia herevalaia tanobada hegegemadai lalokau oreana tauna ta ai idia lao diba.
5 Daika ese Inai Sivarai Do Ia Harorolaia? October bona November lalodiai, Iehova ena Witness taudia ese unai dekena tauna lalokau henia sivaraina be tanobada hegegemadai do idia harorolaia edia turadia, dekena taudia, bona varavara dekenai. Idia hegeregere taudia ibounai ai hagoadaia Basileia Sivaraina pepana Namba 35 idia hariharilaia.
6 Iseda tahua gauna badana, inai pepa hariharilaia gaukarana ita karaia neganai, be taunimanima edia ura ita habadaia bena Dahaka Ita Karaia? buklet eiava Diba bukana dekenai Baibel stadi do ita karaia idia ida. Danu, bema Iehova ena hesiai taudia ta ta ese mai edia lalona ibounai ida unai gaukara idia karaia, lalokau Diravana, Iehova, bona iena Natuna, Iesu Keriso, do idia hanamoa.