Lagani 1998 Ena Haroro Sikuli

Ta ia sikuli noho ena anina be “diba ta idia hadibaia o hamaoroa loulou.” Haroro Sikuli amo, ita tereinini karaia Dirava ena diba henunai. Danu, sikuli ai ita vareai ese iseda hereva bona hadibaia daladia ia hanamoa. Lagani 1998 ena sikuli sediual lalonai gau momo ese ita do idia durua lauma dalanai ita tubu noho totona.

Lagani vaira ena sikuli sediual lalonai, do oi davaria Hereva Namba 1 lalonai nega momo Gima kohorona ena kahana ta do idia herevalaia. Hereva Namba 3 lalonai Diba bukana eiava Baibel Ena Hereva Badadia buklet edia amo hereva do idia henia. Hereva namba 4 be Baibel Ena Hereva Badadia buklet amo do idia karaia bona tadikaka ta ese ia karaia neganai, kongregesen dekenai tok idia henia bamona do ia karaia. Bema taihu ta ese inai kahana ia karaia, Hereva Namba 3 ena karaia dalana ia badinaia. Bona mani umui laloatao, namona be sikuli taudia ese edia nega idia hanaia lasi.

Gau Matamatana: Iseda namo totona, “Baibel Duahiduahi Ena Sediual Iharuana” be inai bamona maka [ ] lalonai idia torea, wiki ta ta ena ane edia namba murinai. Ena be wiki ta ta, sikuli ena program ai do idia herevalaia lasi, to namona be tahua gauna ta bamona ita atoa bona ita badinaia. Bema oi do karaia lasi, unai ese oi do ia durua dina ta ta ibounai Baibel oi duahia totona.

Sikuli ena hereva, sisiba, bona sikuli ena henanadai edia hereva ma haida umui diba totona, mani edia karaia dalana umui duahia namonamo “Lagani 1998 Ena Haroro Sikuli Ena Sediual” lalonai, bona October 1997 ena sediual danu.

Bema oi be sikuli lalonai oi do vareai lasi, oi ai noia oi vareai totona. Inai sikuli idauna be mai anina bada dalana ai idia manau bona Iehova ena hesiai gaukara idia goadalaia taudia ia durua mai edia diba haroro taudia ai idia lao totona.​—1 Tim. 4:​13-​16.