Henanadai Mauana

◼ Bapatiso idia abia lasi taudia ida, edena buka do ita stadilaia?

Ta ese ena mauri Iehova dekenai ia gwauhamatalaia bona bapatiso ia do abia lasi neganai, namona be diba maoromaoro ia abia. (Ioa. 17:3) Ia ese unai anina bada herevadia do ia abia Dirava Ia Ura Dahaka Ita Karaia? buklet bona Diba ese Mauri Dekenai Ita Ia Hakaua Lao bukana ia stadilaidia karana amo. Nega momo Dahaka Ita Karaia? buklet do idia stadilaia guna. To, bema Diba bukana amo stadi idia hamatamaia guna, vadaeni Dahaka Ita Karaia? buklet be buka idia haorea murinai do idia stadilaia diba. Dahaka dainai unai be mai anina bada?

Dahaka Ita Karaia? buklet ese Baibel ena hereva badadia ia hahedinaraia namonamo. Bema stiuden tauna ese ia stadilaia guna, ia ese Dirava ia hamoalea karadia badadia do ia lalo-pararalaia. Bema gabeai ia stadilaia, unai amo Diba bukana ena stadi herevadia do ia riviulaia namonamo. Stiuden tauna oi hagoadaia buka bona buklet dekenai idia torea siridia ia itaia bona ia laloa namonamo be namo. Laulau oi gaukaralaia danu, idia be hadibaia gaudia namodia.​—January 15, 1997, Gima Kohorona, rau 16-​17 itaia.

Bema Baibel stiuden tauna ese unai buka bona buklet ia stadilaia ore neganai, reana do ia hegeregere, bapatiso hegaegaelaia totona elda taudia ida idia herevalaia henanadai edia haere iboudiai do ia haerelaia. Bema unai ia vara, buka ma ta amo do oi stadi henia lou lasi, to stadi ia karaia tauna do ia hekwarahi unai tau durua totona.​—January 15, 1996, Gima Kohorona, rau 14, 17 itaia.