Diba Idia Henia, Lalona Idia Veria, Bona Lalona Idia Hagoadaia Tulu Idauidau
1 Idia be mai edia siahu taunimanima dekenai Baibel bona Iehova ena Witnes taudia idia hadibaia totona. Idia ese momo edia lalona idia veria hereva momokani totona do idia gini goada. Idia ese Dirava ena gwauhamata taudia edia abidadama bona laloa bada karana idia hagoadaia. Idia be dahaka? Idia be Iehova ena orea ese ia halasia vidio idauidau. Idia iboudiai 10 oi itaia vadaeni, a? Vanegai sibona eiava nega sisina daudau vadaeni? Emu haroro gaukara dekenai oi gaukaralaidia, a? Edena dala ai, inai tulu namodia amo namo bada oi abia diba?
2 July 1, 1999, Gima Kohorona ena hereva ta ladana “Ruma Bese ida Dirava Ena Hereva Umui Stadilaia Hanaihanai” ese inai hereva namona ia gwauraia, “stadi negana ena kahana ta ai Society ena vidio ena kahana ta umui itaia . . . bena umui herevalaia diba.” Unai sisiba namona hegeregerena, vidio idauidau be Hesiai Hebou dekenai vaira huadia rua rua ai do idia hahedinaraia. Hesiai Hebou dekenai do idia herevalaia vidio idia do herevalaia lasi neganai, kongregesen taudia ibounai ai hagoadaia do idia itaia guna. Unai dainai, elda taudia bona sekit naria taudia idia hadibaia vadaeni do idia itaia kongregesen ese dala idia karaia ibounai ese unai vidio do idia itaia guna, bena Hesiai Hebou dekenai do idia herevalaia.
3 Inai hua lalonai, ita ese ita halasia vidio ginigunana Jehovah’s Witnesses—The Organization Behind the Name amo do ita hamatamaia. Umui itaia neganai henunai idia noho henanadai edia haere abia totona umui kamonai:
◼ Dahaka gau dainai momo ese Iehova ena Witnes taudia idia diba?
◼ Betele dekenai idia karaia gaudia ibounai be edena siri ena hereva hegeregerena?
◼ Dahaka Baibel sivarai ena drama idia karaia, ena foto idia abia, bona ena laulau idia penia, buka bona magasin lalonai idia gaukaralaia totona?
◼ Iseda buka bona magasin idia hegaegaelaia dalana dekenai, dahaka ese emu lalona ia hamarerea?
◼ Lagani 1920 ela bona 1990 ai, Society ese buka bona magasin hida idia printaia?
◼ Dirava ena taunimanima edia huanai daidia be Betele gaukara idia tahua be namo?—Aon. 20:29.
◼ Edena dala idauidau ai Betele famili ese haheitalai namo hereana idia hahedinaraia Iehova ena Witnes taudia ibounai totona?
◼ Betele dekenai sivarai namona be taunimanima momo ese idia abia totona idia karaia gaukarana dekenai, dahaka ese oiemu lalona ia hamarerea bada?
◼ Tanobada ibounai gaukarana ia durua monina be edena bamona idia abia?
◼ Edena gaukara be mai eda goada ida ita durua diba, bona edena ura ita hahedinaraia danu?—Ioa. 4:35; Kara 1:8.
◼ Iseda ladana ia hahedinaraia oreana be edena bamona oi laloa?
◼ Edena dala ai unai vidio be haroro gaukara dekenai oi gaukaralaia diba?
December lalonai, vidio ladana The Bible—Accurate History, Reliable Prophecy do ita herevalaia.