The Bible—Its Power in Your Life Vidio ese Ia Havaraia Hemami

Inai henanadai oi haerelaia neganai, inai vidio ena sivarai ese ia havaraia hemami be mai emu kudouna ibounai ida oi gwauraia. (1a) Dahaka ese taunimanima milioni momo ia hasiahua edia mauri idia hanamoa totona? (Heb. 4:​12) (1b) Dahaka be gau badana ta ese unai siahu ia abia bona ena mauri ia hanamoa totona? (2) Edena Baibel siri idia gaukaralaia headava taudia idia durua totona bona unai amo (a) edia herevahereva karana do idia hanamoa bona (b) edia badu do idia biagua? (3) Edena dala ai Keristani taudia ese headava idia laloa dalana ese ruma bese maurina ia hanamoa? (Ef. 5:​28, 29) (4) Edena dala ai Iehova be haheitalai goevadaena ia hahedinaraia badina natudia dekenai mai anina bada gaudia toi ia henia, bona edena dala ai tama sina hari inai negai be unai bamona do idia karaia diba? (Mar. 1:​9-11) (5) Dahaka dainai tama sina be edia natudia dekenai Baibel idia hadibaia be namo, bona dahaka ese ia hahedinaraia unai idia karaia hanaihanai be namo? (Deut. 6:​6, 7) (6) Edena dala ai tama sina be famili stadi ena mamina do idia hanamoa diba? (7) Baibel stadi sibona lasi, to Dirava ena Hereva ese tama sina ia doria edia natudia totona dahaka danu do idia henia? (8) Edena dala ai Baibel ena sisiba ese ruma bese ia durua, moni dalanai idia hekwarahi bada lasi totona? (9) Oi badinaia neganai, edena Baibel ena hakaua herevadia ese oi idia durua gorere abia dalana oi hamaragia totona? (10) Edena dala ai Dirava ena Hereva ena hakaua herevadia ese emu mauri idia haidaua? (11) Dahaka dainai haroro gaukara ai oi davaria tauna ese inai vidio ia itaia karana ese reana do ia hagoadaia Baibel stadi ia abia dae totona?