Baibel—Mai Ena Siahu Bona Emu Mauri Ia Hanamoa Diba
Baibel ese taunimanima milioni momo ia durua edia mauri idia hanamoa totona. Edena hakaua herevadia ita badinaia neganai, unai ese ita do ia durua hari idia vara hekwakwanai ita hanaia totona? Inai henanadai ena haere be vidio ladana The Bible—Its Power in Your Life ai do oi davaria; ia be kahana ihatoina. Ginigunana ena ladana be, The Bible—A Book of Fact and Prophecy bona iharuana ena ladana be, The Bible—Accurate History, Reliable Prophecy. Vidio ladana The Bible—Its Power in Your Life oi itaia murinai, henunai idia noho henanadai umui haerelaia diba, a?
(1) Dahaka dainai Baibel be buka idauna ta? (Heb. 4:12) (2) Bema Baibel ese taunimanima edia mauri ia hanamoa diba, vadaeni dahaka dainai momo ese hekwakwanai momo idia davaria? (3) Baibel ena sinado badana be dahaka? (4) Vidio ai be Baibel siri haida idia gwauraia; oi laloa edena siri ese headava taudia idia durua diba (a) edia herevahereva karana idia hanamoa bona (b) edia badu idia biagua totona? (5) Keristani taudia ese headava dekenai lalohadai maorona idia abia be namo; edena dala ai unai ese ruma bese maurina ia hanamoa? (Efe. 5:28, 29) (6) Edena dala ai Iehova be haheitalai goevadaena ia hahedinaraia tama sina dekenai? (Mar. 1:9-11) (7) Edena dala ai tama sina ese ruma bese stadi idia hakaua diba, ibounai ese idia moalelaia totona? (8) Unai sibona lasi, to Dirava ena Hereva ese tama sina ia doria edia natudia dekenai dahaka idia henia danu? (9) Edena dala ai Baibel ena sisiba ese ruma bese ia durua, moni dalanai idia hekwarahi lasi totona? (10) Baibel ese goeva karana, drag bona alkahol gaukaralaia kerere karana, bona lalometau karana ia sisibalaia; unai ita badinaia neganai, edena dala ai ita do ia durua gorere ita hanaia totona? (11) Edena gwauhamata Baibel dekenai ese ita ia durua diba? (Iobu 33:25; Sal. 145:16) (12) Edena dala ai Baibel ena hadibaia herevadia ese oi idia durua emu mauri oi hanamoa totona? (13) Edena dala ai inai vidio oi gaukaralaia diba ma haida oi durua totona?