Magasin Herevalaia Daladia

Awake! Sept. 22

“Hari inai negai, taunimanima momo ese terorist karadia dainai idia laloa momo. Oi laloa taunimanima edia gavamani ese terorist karadia tanobada amo do idia haorea diba, a? [Haere naria.] Baibel ese Dirava ena palani ia hahedinaraia. [Esekiela 34:28 duahia.] Inai Awake! magasin ese unai gauna dekenai mai anina bada herevadia haida ia hahedinaraia.”

Watchtower Oct. 1

“Momo idia laloa, bema hari ita itaia hekwakwanai​—tuari, raskol karadia, bona terorist karadia​—be nega ta do idia ore, eiava. Dahaka oi laloa? [Haere naria.] Baibel ese lalona hagoadaia herevana ta ia gwauraia. [Salamo 37:10, 11 duahia.] Inai magasin ese kara dika bona ia havaraia hisihisi be Dirava ese ia do haorea lasi ena badina ia hahedinaraia.”

Awake! Oct. 8

“Hari inai negai, adavana lasi tama o sina ruma besedia edia namba ia bada ia lao. Baibel ese ia hahedinaraia iseda Havaraia Tauna ese idia ia hebogahisi henia. [Salamo 146:9 duahia.] Inai Awake! magasin ese ia hahedinaraia edena dala ai Baibel ena hakaua herevadia ese adavana lasi tamadia bona sinadia idia durua, edia natudia idia naria namonamo totona.”