Magasin Herevalaia Daladia

The Watchtower Sept. 15

Eda teritori ai idia noho taudia ese idia laloa bada gauna ta oi gwauraia. Bena oi henanadai: “Oi laloa inai Baibel siri be ita noholaia negana ia perovetalaia namonamo, a? [Timoteo Iharuana 3:1 duahia, bona haere naria.] Inai Watchtower ese ia hamomokania ita be nega dokona lalonai ita noho, bona ia hahedinaraia dahaka ita karaia be namo.”

Awake! Sept.

“Momo idia laloa Dirava ese ita ia havaraia. Ma haida idia laloa ita be evolusen amo ita vara. Oiemu lalohadai be edena bamona? [Haere naria.] Mani inai hereva oi laloa, inai ese ita do ia durua lalohadai maorona ita abia totona. [Iobu 12:​7, 8 duahia.] Inai Awake! ese ita ia hadibaia, tanobada dekenai idia noho mauri gaudia ese Dirava ena aonega bona diba idia hahedinaraia, bona idia amo gau haida ita dibaia diba.”

The Watchtower Oct. 1

“Saiens taudia idia ura bada gorere idia haorea bona iseda mauri idia halataia. Oi laloa gabeai taunimanima do idia mauri hanaihanai, a? [Haere naria.] Ita ura ita mauri hanaihanai ena badina mani oi itaia. [Hadibaia Tauna 3:​11 duahia.] Inai Watchtower ese ia hahedinaraia, dahaka dainai Dirava ese mauri hanaihanai urana be eda lalona ai ia atoa.”