Sekit Hebouhebou Ena Program Matamatana

Inai nega dokona lalonai, lauma dabua ita atoa bona eda Keristani mauri dalana ita gimaia be gau badana. (Apok. 16:15) Unai dainai, lagani 2006 sekit hebouhebou ena program ena sinado maorona be: ‘ “Mauri Matamata” be Dabua Bamona Umui Atoa.’​—Kol. 3:​10.

Dina Ginigunana: Kahana foa herevana, “Mauri Matamata Ena Kara Namodia Hahedinaraia” ese do ia hahedinaraia edena dala ai mauri matamata ita atoa karana be eda mauri lalonai ita ia durua. Edena dala ai mauri matamata ita atoa? Tok ginigabedia rua be unai do idia herevalaia, edia ladana be “Sibona Emu Kara Oi Biagua, Laloa Dobu Karana Oi Karaia Namonamo Totona” bona “Iehova ese Mauri Matamata Ena Dala Ia Hadibaia.”

Dina Iharuana: Mauri matamata ita atoa dainai, hereva namodia ita gwauraia karana be inai kahana foa ese do ia kikilaia: “Aonega Taudia Bamona Ita Hereva.” Pablik tok ena sinado, “Dika Tauna Ita Tuari Henia, A?” ese ita do ia hadibaia, Satani ena tarapu dekenai ita naria namonamo be namo. Tok ginigabedia rua, “Tanobada Ena Kara Mirodia amo Oi Raka Siri” bona “Dina Ta Ta ai Eda Lalona Ita Hamatamataia” ese ita do ia durua Dirava ena dala maoromaoro idia hagagevaia lalohadai, hereva, bona kara ita dadaraia, bona Iehova ita tomadiho henia karana ita goadalaia noho.

Ita ura bada unai hagoadaia herevadia ita kamonai bena mauri matamata ita atoa!