Sekit Hebouhebou Ena Riviu

Kongrigeisen be lagani 2006 ena sekit hebouhebou idia do lao lasi bona idia lao murinai, inai kahana be Hesiai Hebou dekenai do idia herevalaia. Hakaua naria tauna ese inai riviu kahana do ia hegaegaelaia, February 2005 Iseda Basileia Gaukara, rau 6 ai idia torea herevadia hegeregerena. Riviu lalonai henanadai ibounai oi henia be namo, oi hahedinaraia edena dala ai inai riviu lalonai ita kikilaia tok idauidau be ita ia durua diba.

DINA GINIGUNANA

1. Edena dala ai mauri matamata ita atoa, bona dahaka dainai?

2. Edena dala ai haida be haroro gaukara idia habadaia?

3. Dahaka dainai eda goada bona ma haida edia goada ita hahegeregerea lasi be namo?

4. Edena dala ai ruma bese taudia ese mauri matamata ena kara namodia be ruma bese lalonai idia hahedinaraia diba?

5. Edena dala ai kongrigeisen ita durua bona badinaia diba?

6. Dahaka dainai haroro gaukara dekenai mauri matamata ena kara namodia ita hahedinaraia be namo?

7. Dahaka ese ita ia durua diba laloa dobu karana ita karaia namonamo totona, bona edena dala ai unai bamona laloa dobu karana amo namo ita abia?

8. Dahaka kara be ita ia durua diba, unai amo Iehova ese ita ia hadibaia diba?

DINA IHARUANA

9. Dahaka dainai iseda malana ita gaukaralaia namonamo be gau badana?

10. Bema eda gaukara turadia, sikuli turadia, bona ma haida ida hereva namodia ita kikilaia, dahaka namo do ia mailaia?

11. Iseda tadikaka ita kara henia neganai, edena dala ai Paulo ena sisiba Efeso 4:​25-​32 dekenai ita badinaia diba?

12. Gau badana be iseda malana ita gaukaralaia dahaka totona?

13. Dahaka ita karaia diba dika tauna ita tuari henia totona?

14. Edena dala ai tanobada ena kara mirodia amo ita raka siri be namo?

15. Dahaka dainai dina ta ta ai eda lalona ita hamatamataia be namo, bona edena dala ai unai ita karaia diba?

16. Inai lagani ena sekit hebouhebou amo, oi ura dahaka sisiba do oi badinaia?