Brens amo Ia mai Revarevana

Basileia Pablisa Taudia e:

Inai lagani March 24 ai, kamonai taudia momo be Keriso ena mase Memorial dekenai idia mai. Memorial dekenai idia mai taudia edia namba be 18,609, to gunika gabudia haida edia ripoti ai do abia lasi. Hua ta ta ai Baibel stadi 3,000 ita karaia, unai ese ia hahedinaraia iseda brens ena teritori lalonai, pablisa edia namba ia bada daekau diba.

Lagani momo lalonai Kingdom Hall haginia totona tano idia tahua bona palani momo idia karaia murinai, Badili bona Bulolo ai Kingdom Hall matamatadia idia haginia. Unai Kingdom Hall namodia ese unai gabu ai idia noho tadikaka ia durua bona Iehova ena ladana ia hanamoa.

Hari, gaukara bada idia karaia brens idia habadaia totona. Kahirakahira, unai ruma matamatadia edia haginia gaukarana do idia hamatamaia. Hari ia noho brens opesi ena badinai idia noho ruma badadia rua do idia kokia bona matamatadia do idia haginia. Palani idia karaia Gado Hahanaia Dipatmen totona opesi matamatadia do idia haginia, bona dipatmen ma haida bona mahuta gabudia do idia hanamoa bona habadaia.

Unai haginia gaukarana ia heau noho lalonai, Betele famili haida edia noho gabudia ena palani ai karaia noho. Ma danu, Gado Hahanaia Dipatmen rua be nega sisina lalonai do idia gaukaralaia opesi ena palani do ai karaia danu.

Unai haginia gaukara ia heau noho lalonai, haroro gaukara bona kongrigeisen ena hebou totona lauma aniani do ai siaia noho. Umui ai hagoadaia emui haroro gaukara umui goadalaia noho, namona be umui diba brens opesi ese umui do ia durua noho. “Lohiabada ena gaukara” umui karaia noho lalonai, Iehova ese emui hekwarahi do ia hanamoa.​—1 Kor. 15:58.

Basileia ena gaukara habadaia totona, namona be ita karaia gaukara ibounai lalonai Iehova ita abidadama henia. Emui moni amo inai gaukara umui durua dainai umui ai tanikiu henia bada. (Aon. 3:​9, 10) Mai lalotamona ida ‘Dirava ena hairai diarina ita hanamoa’ noho lalonai, Iehova ese iseda hekwarahi do ia hanamoa.​—Efe. 1:12.

Emui tadikaka,

P.N.G. Brens Opesi