Magasin Herevalaia Daladia

The Watchtower Sept. 15

“Tanobada hegegemadai taunimanima momo be Iesu Keriso idia diba. Haida idia gwau ia be tau hereadaena. Ma haida be Siahu Ibounai Diravana bamona ia idia tomadiho henia. Oi laloa Iesu Keriso be daika? [Haere naria.] Inai magasin ese ia gwauraia hedinarai ia be daika, edeseni amo ia mai, bona hari ia be edeseni ia noho.” Ioane 17:3 duahia.

Awake! Sept. 22

“Taunimanima momo edia moni be hegeregere lasi dainai, ruma namona ta dekenai idia noho diba lasi. Oi laloa nega ta taunimanima ibounai be ruma namona ta dekenai do idia noho diba, a? [Haere naria.] Inai Awake! magasin ese unai ia herevalaia. Danu ia hahedinaraia Dirava ena gwauhamata be do ia hagugurua momokani.” Isaia 65:​21, 22 duahia.

The Watchtower Oct. 1

Rau ginigunana dekenai ia noho henanadai duahia. Bena oi nanadaia: “Oi laloa inai be edena toa ia herevalaia? [Haere naria. Bena Mataio 24:3 duahia.] Inai magasin ese toa faiv ia herevalaia bona ia gwauraia hedinarai dahaka dainai unai toa ita diba be namo.” Rau 6 ai ia noho maua hahedinaraia.

Awake! Oct. 8

“Inuinu kekero karana ese hekwakwanai momo ia havaraia. Inai magasin ese ia hahedinaraia kekero muramura ese tauanina ia hadikaia diba. [Rau 7 dekenai laulau hahedinaraia.] Inuinu kekero karana rakatania daladia bona ma haida ese edena bamona heduru idia henia diba, ia herevalaia danu.”