Mai Anina Bada Vidio
“Unai vidio ese emu lalona ia veria oi laloa totona!”
“Unai ese egu kudouna ia hamarerea bada!”
1 Matamata taudia haida ese Young People Ask—How Can I Make Real Friends? vidio idia itaia murinai, ataiai idia noho hereva idia gwauraia, oi danu be unai bamona hemami oi abia, a? Lagani haida gunanai, tadikaka matamata ta be iena mauri lalonai hekwakwanai momo ia davaria, badina tura dikadia ia abia hidi. Unai dainai tomadiho momokani ia laloa bada lasi, bona ena hetura karana Iehova ida ia haboioa. Bena unai vidio idia halasia. Ia gwau: “Unai vidio lau itaia loulou neganai, egu mata ranu idia diho. Iehova lau tanikiu henia badina nega korikori ai heduru ia henia.” Unai vidio ese ena lalona ia hamarerea dainai ena kara ia haidaua, bona tura namodia ia tahua matamaia. Ma ia gwau: “Matamata taudia idia davaria hekwakwanai umui diba momokani.” Tama sina bona matamata taudia e, gabeai famili stadi umui karaia neganai, unai vidio umui itaia be namo, ani? Kahana ta ta murinai vidio oi koua, bena henuna paragraf ai idia noho henanadai, umui herevalaia hebou.
2 Hamatamaia Herevana: Turana korikorina be edena bamona tauna?—Aon. 18:24.
3 Hetura Karana Idia Koua Gaudia: Edena dala ai, oi idia ura henia lasi hemami oi hanaia diba? (Fili. 2:4) Dahaka dainai emu kara oi hanamoa be namo, bona daika ese oi do ia durua unai bamona oi karaia totona? Edena dala ai turadia momo oi davaria diba, bona edeseniai idia oi davaria?—2 Kor. 6:13.
4 Hetura Karana Dirava Ida: Hetura karana Dirava ida be edena bamona do oi haginia, bona dahaka dainai unai totona oi hekwarahi be namo? (Sal. 34:8) Daika ese emu hetura karana Dirava ida ia hagoadaia diba?
5 Turana Dikadia: Turana dikadia be edena bamona taudia? (1 Kor. 15:33) Edena dala ai turana dikadia ese ta idia hakaua kerere, bena ena hetura karana Dirava ida ia hadikaia diba? Baibel lalonai Daina ena sivarai ese oi dekenai dahaka ia hadibaia?—Gen. 34:1, 2, 7, 19.
6 Hari Inai Negai Ena Drama: Sibona ia noho hemamina dainai Tara be dahaka ia karaia? Edena dala ai ia hahedinaraia toho, tanobada ena matamata taudia ia bamoa be maoro? Idia dainai dahaka dika ia davaria diba? Dahaka dainai ena tama sina ese unai idia itaia lasi, to edena bamona edia kara idia haidaua unai amo ia idia durua lauma dalanai ia goada lou totona? Edena dala ai painia taihuna ta ia hahedinaraia ia be Tara ena turana namona? Dahaka dainai Keristani taudia ese Aonega Herevadia 13:20 bona Ieremia 17:9 idia badinaia be gau badana? Tara ese dahaka mai anina bada gauna ia dibaia?
7 Hereva Dokona: Unai vidio amo dahaka oi dibaia? Edena dala ai oi gaukaralaia diba, ma haida oi durua totona?—Sal. 71:17.