Magasin Herevalaia Daladia

The Watchtower June 15

“Hari taunimanima momo be sibona edia abia hidi idia karaia dahaka be maoro bona dahaka be kerere dekenai, unai oi itaia, a? [Haere naria.] Baibel lalonai be hakaua hereva namodia idia noho, ta be inai. [Rau 6-7 ai ia noho maua dekenai siri ta duahia.] Inai magasin ese ia hahedinaraia, edena dala ai Baibel ena kara maoromaoro taravatudia ita badinaia neganai, namo do ita abia.”

Awake! June

“Ita mauri totona, moni be mai anina bada. Oi laloa moni momo ita abia totona ita hekwarahi be namo, a? [Haere naria.] Baibel ese kohu momo tahua karana ena dika ia herevalaia. [Timoteo Ginigunana 6:​10 duahia.] Inai magasin ese ia hahedinaraia, edena dala ai ta be kohu momo lasi maurina ia noholaia diba bona ia davaria moni sisina be hegergere ia sibona ia naria totona.”

The Watchtower July 1

“Nega ta oi laloa, dahaka dainai taunimanima be bese bona gado idau taudia idia kara namo henidia lasi, a? [Haere naria.] Mani inai siri ita itaia. [Ioane Ginigunana 4:​20 duahia.] Inai magasin ese inai henanadai ia haerelaia, ‘Bese idauidau taudia be mai lalotamona ida idia noho hebou diba, a?’ ”

Awake! July

“Ita be animal bamona lasi, badina iseda noho dalana be ita sibona ese ita abia hidi diba. Oi laloa, hakaua hereva namodia be edeseni ai do ita abia? [Haere naria. Bena Salamo 119:105 duahia.] Inai magasin ese ia hahedinaraia Baibel lalonai idia noho hakaua herevadia be hereadae.”