Magasin Herevalaia Daladia

The Watchtower May 1

“Iseda nega lalonai nega momo dika badadia idia vara kava dainai, haida idia laloa Dirava ese ita ia panisia noho. To, oiemu lalohadai be dahaka? [Haere naria. Bena 1 Ioane 4:8 duahia.] Inai magasin ese ia hahedinaraia Dirava be unai dika badadia ia havaraia lasi.” Rau 30 ai ia noho herevana hahedinaraia.

Awake! May

Mataio 6:​10 duahia. Bena oi henanadai: “Dirava ena ura tanobada totona be dahaka? Nega ta oi be unai oi laloa, a? [Haere naria.] Baibel ena hereva hegeregerena, matamanai Dirava be mai ena ura tanobada totona bona unai ura do ia haidaua lasi. Inai magasin ese unai ia hahedinaraia.” Rau 10 ai ia noho herevana hahedinaraia.

The Watchtower June 1

“Taunimanima idia diba momo Baibel sivaraina ta be Noa bona Abata badana ena sivarai. Oi laloa Abata ia vara momokani, a? [Haere naria.] Iesu ese Noa ena nega ia herevalaia bona ia hahedinaraia abata ia vara momokani. [Luka 17:​26, 27 duahia.] Inai magasin ese Abata ena sivarai ita abia dae ena badina namodia ia hahedinaraia bona unai sivarai amo ita dibaia mai anina bada gaudia ia herevalaia danu.”

Awake! June

“Natuna naria karana be maduna badana bona natuna ena mauri lagani be 13 ia lao 19 ia abia neganai, tama sina idia hekwarahi bada. Oi laloa tama sina be edeseni amo heduru hereva namodia idia davaria diba? [Haere naria. Bena Isaia 48:​17, 18 duahia.] Inai magasin ese hakaua hereva haida ia hahedinaraia bona tama sina ia durua mai aonega bona laloparara ida edia natudia idia naria totona.”