Vadivadi Ginigunanai Baibel Stadi Oi Hamatamaia, A?

Ruma taudia ita nanadaia, ‘Oi ura stadi?’ neganai, haida idia gwau idia ura lasi eiava edia dubu ai Baibel idia stadilaia. To, idia diba lasi gauna be, eda stadi dalana be tomadiho ma haida edia amo ia idau bona eda stadi dalana ese moale ia havaraia. Unai dainai, vadivadi ginigunanai ruma tauna ita nanadaia sibona be hegeregere lasi, to maoromaoro stadi ita hamatamaia. Haheitalai be inai: Bema ta oi hamaoroa oi be nanadu tauna namona, vadaeni maoromaoro oi nadua gauna oi henia ia mamia totona! February 2006 ena Iseda Basileia Gaukara ena rau 8 ena hereva o henunai ia noho haheitalai ese oi do ia durua maoromaoro stadi ta oi hamatamaia totona:

“Oi laloa nega ta do ia mai bona inai siri ena hereva do ia vara momokani, a? [Isaia 33:24 duahia, bena haere naria.] Lau ura hereva ma haida lau hahedinaraia.” Ruma tauna dekenai Baibel Hadibaia bukana oi henia, bona oi hamaoroa rau 36 dekenai ia kehoa, bona paragraf 22 ia itaia. Bena paragraf 22 ena henanadai oi duahia, bena ruma tauna oi noia paragraf oi duahia neganai, namona be ia ese haere ia tahua. Henanadai oi duahia lou, bena ruma tauna ena haere oi kamonai. Siri ma ta umui duahia hebou. Henanadai ma ta oi rakatania gabeai oi haerelaia totona, bona gabeai do oi lou henia momokani dinana bona taim oi gwauraia. Baibel stadi ta oi hamatamaia unai!