Baibel​—Histori Bona Peroveta Herevadia Ia Gwauraia Maoromaoro

Dahaka ese ia hahedinaraia Baibel be histori dalanai ia maoromaoro? Edena peroveta herevadia idia guguru vadaeni dainai ita diba momokani, nega vaira totona Baibel ese ia perovetalaia gaudia be do idia guguru? Inai henanadai ena haere be vidio ladana The Bible​—Accurate History, Reliable Prophecy, ai do oi davaria, ia be kahana ihatoina. Inai vidio oi itaia murinai, henunai idia noho henanadai umui haerelaia diba, a?

(1) Baibel lalonai idia noho herevadia edia Badina be daika? (Dan. 2:28) (2) Baibel ese idaunegai Aigupito be edena bamona ia gwauraia maoromaoro, bona edena dala amo peroveta herevana Isaia 19:​3, 4 dekenai ia guguru? (3) Akioleji gaukara ese edena dala ai Baibel ena hereva, Asuria taudia, edia king taudia, bona Asuria ena dokona ia gwauraia herevana, ia hamomokania? (Nah. 3:​1, 7, 13) (4) Dahaka peroveta herevadia Babulonia totona, be idia guguru? (Ier. 20:4; 50:38; 51:30) (5) Edena peroveta herevana be Mede-Parasa dekenai ia guguru? (Isa. 44:28) (6) Daniela 7:6 bona 8:​5, 8 ese Greece ia herevalaia dalana be edena bamona ia guguru? (7) Roma be basileia badana ta ai ia lao neganai, unai ese edena bamona Daniela 7:7 ena hereva ia hagugurua? (8) Edena Kaisara be Baibel ai idia herevalaia? (9) King Nero ia lohia neganai, Keristani taudia dekenai dahaka ia vara? (10) Apokalupo 13:11 bona 17:10 ai idia noho peroveta herevadia be edena dala ai idia guguru? (11) King namba 8 be edena bamona ita dibaia? (12) Unai vidio lalonai edena kahana ese Hadibaia Tauna 8:9 ia hamomokania? (13) Oi ura dikadika edena peroveta herevadia vaira negana totona, do idia guguru? (14) Edena dala ai inai vidio oi gaukaralaia diba, unai amo haida ese do idia abia dae Baibel be Dirava amo ia mai bukana?