Magasin Herevalaia Daladia

The Watchtower March 1

“Taunimanima be mai edia lalohadai idauidau Iesu dekenai. To oi laloa Iesu be Dirava ena Natuna eiava ia be tau namona ta sibona?” Haere naria. Bena rau 16-17 ai toretore koremana ai idia torea henanadai ta henunai idia noho hereva bona idia gwauraia sirina ta duahia. Magasin hariharilaia, bona dala oi karaia gabeai do oi giroa lou bona henanadai ma ta do umui herevalaia.

Awake! March

Matamata tauna ta oi davaria neganai, rau 26 ai ia noho atikol oi hahedinaraia. Bona hereva kwara maragina ginigunana oi poinia bena oi nanadaia, “Oi laloa inai hereva ta ta be momokani o koikoi? [Haere naria. Bena 2 Korinto 7:1 duahia.] Inai atikol ese kuku ania karana ia herevalaia, bona unai kara hadokoa daladia ia herevalaia danu.”

Gima Kohorona April-June

“Iesu abia dae karana dekenai, taunimanima momo edia lalohadai be idauidau. Oi laloa, iena sivarai momokanina ita diba be mai anina bada eiava? [Haere naria. Bena Ioane 17:3 duahia.] Inai magasin ese Baibel ena lalohadai Iesu dekenai ia gwauraia​—ia mai gabuna, ena mauri, bona ia mase ena badina.”

Awake! April

“Bema ita lalokau henia tauna ta ia mase, unai ita lalohisihisilaia bada, ani? Dahaka oi laloa? [Haere naria.] Momo idia davaria inai hereva ese idia ia durua. [Bena Salamo 55:22 duahia.] Inai magasin ese iseda lalohisihisi ita haheaukalaia daladia bona Dirava dekenai iseda metau ita atoa daladia ia herevalaia.”