Magasin Herevalaia Daladia

The Watchtower March 1

Esodo 20:15 duahia. Bena oi gwau: “Momo be inai taravatu idia badinaia, to haida idia laloa mauri ia auka lalonai ta ia henaohenao o koikoi karadia ma haida ia karaia be kerere lasi. Emu lalohadai be dahaka? [Haere naria.] Nega ibounai ita koikoi lasi ena namo idauidau be inai magasin ese ia hahedinaraia.” Rau 12 ai ia matamaia kahana hahedinaraia.

Awake! March

“Momo be Baibel idia matauraia, to idia laloa iena hereva momo be hari inai negai idia noho taudia ese idia badinaia be anina lasi. Dahaka oi laloa? [Haere naria. Bena Roma 15:4 duahia.] Inai magasin ese ia hahedinaraia dahaka dainai idaunegai idia torea Baibel bukadia be hari inai negai idia noho taudia ia durua diba.” Rau 28 ai ia matamaia kahana hahedinaraia.

Gima Kohorona April-June

“Bema ta oi noia taunimanima edia mauri ia haidaua tauna ta ena ladana ia gwauraia totona, ia be Iesu ena ladana do ia gwauraia. Oi danu be Iesu do oi abia hidi, a? [Haere naria.] Mani ita itaia dahaka dainai Iesu ita dibaia be gau badana. [Ioane 17:3 duahia.] Baibel ese Iesu bona iena hadibaia herevadia ia herevalaia dalana be inai spesel magasin ese ia hahedinaraia.”

Awake! April

“Toana be iseda nega be hegeregere lasi ita ura karaia gaudia ibounai ita karaia hagugurua totona. Oi danu be unai bamona oi laloa, a? [Haere naria.] Momo be inai siri ena hereva ese ia durudia. [Filipi 1:​10 duahia.] Inai magasin ese dala namodia haida ia hahedinaraia, unai ese ita do ia durua iseda nega ita gaukaralaia namonamo totona.”