Haroro Herevadia

July ena Saturday ginigunana ai Baibel stadi hamatamaia

“Lohiabada ena Guriguri herevana be momo ese idia gwauraia loulou: ‘Oiemu Basileia do ia mai. Oiemu ura gauna tanobada dekenai do ia vara, guba dekenai ia vara bamona.’ Oi laloa unai Basileia be dahaka? [Haere naria.] Inai siri ese haere ia henia.” Daniel 2:​44 duahia. Bena ruma tauna dekenai July 1 Watchtower ena kopi ta oi henia bona ia ida rau 16 ai hereva kwarana ginigunana henunai ia noho herevana umui duahia bona herevalaia. Bona lou henia dalana oi karaia, henanadai iharuana ena haere umui herevalaia totona.

The Watchtower July 1

“Iseda mauri be ia kwadogi bona hekwakwanai idauidau amo ia honu dainai, momo be mauri ena anina idia lalohekwarahilaia. Oi danu be unai bamona, a? [Haere naria.] Baibel ia gwauhamata nega ta mauri do ia idau. [Apokalupo 21:4 duahia.] Inai magasin ese Dirava ena ura tanobada totona ia herevalaia, danu ia hahedinaraia gau haida ita karaia hari inai negai mauri ita moalelaia totona.”

Awake! July

Niusi ai oi itaia o kamonaia dika gauna ta oi herevalaia. Bena oi gwau: “Oi laloa dahaka dainai Dirava ese unai dika ia koua lasi? [Haere naria.] Baibel ia gwau, Dirava ese hisihisi idia davaria taudia ia hebogahisi henia. [Esodo 3:7 duahia.] Danu Baibel ese ita ia hadibaia dahaka dainai Dirava ese hisihisi ia koua lasi bona kahirakahira hisihisi ibounai do ia haorea. Inai magasin ese unai ia herevalaia.”