Haroro Herevadia

July Ena Saturday Ginigunana ai Baibel Stadi Hamatamaia

“Inai gabu taudia momo idia ura idia mauri hanaihanai bona idia moale. Unai dainai ai ura inai henanadai dekenai emu lalohadai ai diba: Oi laloa nega ta ai saiens bona doketa taudia ese ita do idia durua ita mauri hanaihanai totona, a? [Haere naria.] Inai magasin ena hereva oi itaia.” Ruma tauna dekenai July 1 Watchtower ena rau ginigabena oi hahedinaraia, bena paragraf ginigunana bona siri umui duahia. Magasin oi hariharilaidia, bona lou henia dalana oi karaia, gabeai henanadai iharuana ena haere umui herevalaia totona.

Laloatao: July 6 purana ena haroro grup ena hebou ai inai haheitalai umui karaia be namo.

Gima Kohorona July-September

“Ai hereva henia taudia momo idia gwau hekwakwanai momo idia davaria. Unai dainai haida idia laloa mauri namona do idia abia lasi. Hari negai taunimanima idia moale lasi ena badina badana ta be dahaka? [Haere naria.] Baibel ia gwauhamata kahirakahira Dirava ese ita davaria hekwakwanai ibounai do ia kokia. [Apokalupo 21:4 duahia.] Inai magasin ese hari bona vaira negana ai mauri namona ita abia dalana ia herevalaia.”

Awake! July

“Emai neiba dekenai ai herevalaia hekwakwanai ta be inai: Kara gageva. Haida be unai kara dainai idia moale lasi o idia protest. To protest karana ese kara gageva ia koua diba, a? [Haere naria.] Tanobada ai namo do ia havaraia gauna be Baibel ese ia gwauraia. [Mataio 6:9, 10 duahia.] Inai magasin ese inai henanadai ia haerelaia, Is protest the answer?”

Dirava Ena Sivarai Namona!

“Ai be famili ta ta ai vadivadi henia bona Baibel amo hagoadaia herevana ai henia. Momo idia daradara, dahaka dainai lalokau Diravana ese tanobada ai hisihisi ia koua lasi. Oi laloa matamanai Dirava ese tanobada ia karaia neganai, ia ura taunimanima be hisihisi idia abia danu, a?” Haere naria. Bena karoa 5 oi kehoa, bona paragraf ginigunadia rua bona “duahia” siri oi duahia bona herevalaia. Buklet oi hariharilaia, bona lou henia dalana oi karaia, gabeai henanadai iharuana umui herevalaia totona.