Haroro Herevadia

December Ena Saturday Ginigunana ai Baibel Stadi Hamatamaia

“Lau diba oi abia dae taunimanima ibounai be mai edia turadia be namo. Emu turana ena kara dekenai edena oi laloa bada? [Haere naria.] Inai magasin ese iseda turadia ita abia hidi namonamo ena badina ia herevalaia.” Bena ruma tauna dekenai December 1 Watchtower ena kopi ta oi henia bona ia ida rau 16 ai hereva kwarana ginigunana henunai ia noho herevana umui duahia bona herevalaia. Bona lou henia dalana oi karaia, henanadai iharuana ena haere umui herevalaia totona.

The Watchtower December 1

“Nega ta oi laloa dahaka dainai hari tano mareremarere bamona gaudia momo idia vara? [Haere naria.] Baibel ia peroveta unai bamona gaudia do idia vara. [Mataio 24:​7, 8 duahia.] Inai magasin ese inai henanadai haida ia haerelaia: Dahaka dainai tano mareremarere bamona gaudia momo idia vara noho? Dirava ese unai gaudia amo taunimanima ia panisia, a? Dahaka dainai ita abia dae kahirakahira Dirava ese tano mareremarere bamona gaudia do ia haorea?”

Awake! December

Timoteo Iharuana 3:​16 duahia. Bena oi gwau: “Haida idia abia dae Baibel be Dirava ena hereva, to ma haida ese unai idia abia dae lasi. Dahaka oi laloa? [Haere naria.] Momokani unai henanadai dekenai taunimanima edia lalohadai be idauidau, to momo idia abia dae Baibel be taunimanima ese idia ura haorea bukana ta. Inai magasin ese ia hahedinaraia, idaunega amo ema bona hari taunimanima be dala haida ai Baibel idia haorea toho bona ena hahanaia gaukarana idia koua toho. Danu, Baibel ia ore lasi ena badina ia herevalaia.”