Haroro Herevadia

August Ena Saturday Ginigunana ai Baibel Stadi Hamatamaia

“Hari inai negai, taunimanima ese Iesu idia herevalaia neganai, nega momo lagani 2,000 gunanai ia vara gauna idia herevalaia, hegeregere ia be maua ta lalonai ia hekure beibi ta, o ia be satauro ai idia kokoa. To, oi laloa hari Iesu be dahaka ia karaia? [Haere naria.] Inai magasin ena hereva mani oi itaia.” Ruma tauna dekenai August 1 Watchtower oi hahedinaraia, bona magasin ena rau 16 ena henanadai ginigunana umui kikilaia hebou bona siri ta umui duahia. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

The Watchtower August 1

“Momo be hoa karadia edia sivarai idia abia dae. To, haida be unai bamona lasi. Oi laloa hoa karadia be momokani idia vara, a? [Haere naria.] Baibel be vairai neganai do ia vara hoa karana ta ia gwauhamatalaia, bona unai ese momo dekenai helaro ia henia. [Magasin ena rau 9-10 ai ia noho siri ta duahia.] Haida ese hoa karadia dekenai idia henia henanadai toi be inai magasin ese ia haerelaia.”

Awake! August

“Hari inai negai, momo idia gari hanuaboi ai idia sibona idia loaloa totona. Oi laloa inai tanobada ai dagedage ia vara lasi totona, dahaka ita karaia be namo? [Haere naria.] Inai magasin ese ia hahedinaraia dahaka ita karaia diba, ita bona ma haida huanai maino ia noho totona. Danu, ia hahedinaraia edena dala ai inai peroveta herevana do ia guguru.” Salamo 72:7 duahia.