Haroro Herevadia

August Ena Saturday Ginigunana ai Baibel Stadi Hamatamaia

“Taunimanima be tomadiho idauidau idia abia dae bona dala idauidau ai Dirava idia tomadiho henia. Oi laloa unai kara dekenai Dirava ena lalohadai be dahaka? [Haere naria.] Iesu ena hereva mani ita itaia.” Ruma tauna dekenai August 1 Watchtower ena kopi ta oi henia bona rau 16 ai hereva kwarana ginigunana henunai ia noho herevana bona siri ta umui duahia hebou. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

Gima Kohorona July-September

Salamo 37:​10, 11 duahia. Bena oi gwau: “Oi laloa inai gwauhamata be kahirakahira do ia vara, a? [Haere naria.] Inai magasin ese hari idia vara Baibel peroveta herevadia siks ia herevalaia. Unai peroveta herevadia ese idia hahedinaraia, inai siri ena gwauhamata herevana be kahirakahira do ia momokani.”

Awake! August

“Inai siri dekenai lau ura emu lalohadai lau diba. [1 Samuela 16:23 duahia.] Unai siri ese ia hahedinaraia miusiki be mai ena siahu. Oi laloa ane haida ese ita idia hakaua kerere diba, a? [Haere naria.] Inai magasin ese ia hahedinaraia edena dala ai miusiki dekenai abia hidi maorodia ita karaia bona iseda natudia ita durua unai bamona idia karaia totona.”