Haroro Herevadia

January Ena Saturday Ginigunana ai Baibel Stadi Hamatamaia

“Ai ura emu lalohadai ai diba. Dirava ena ladana be daika? [Haere naria.] Mani inai oi duahia.” Ruma tauna dekenai January-March Gima Kohorona oi henia, bona rau ginigabena ai hereva kwarana ginigunana henunai ia noho herevana bona siri ta umui duahia hebou. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

Gima Kohorona January 1

“Momo be tanobada ena dokona idia herevalaia. Oi laloa unai ita garilaia be namo, a? [Haere naria.] Inai siri ese ia hahedinaraia, haida be do idia roho mauri. [1 Ioane 2:17 duahia.] Inai magasin ese henanadai badadia foa be Baibel amo ia haerelaia.”

Awake! January

“Ai be famili durua gaukarana ta ai karaia. Oi laloa famili ibounai ese inai Iesu ena sisiba idia badinaia be mai anina bada, a? [Kara 20:35b duahia. Bena haere naria.] Hari, momo be sibona edia namo idia laloa bada dainai, iseda natudia ita hadibaia ma haida edia namo idia laloa bada be mai ena hekwarahi. Inai magasin lalonai idia noho hakaua hereva haida ese tama sina do ia durua, edia natudia idia hadibaia ma haida edia namo idia laloa bada totona.”