Haroro Herevadia

November Ena Saturday Ginigunana ai Baibel Stadi Hamatamaia

“Ita momo be gavamani namona ta ita ura. Oi laloa edena gavamani ese taunimanima edia hekwakwanai ibounai ia kokia diba? [Haere naria.] Inai magasin ena hereva mani oi itaia.” Ruma tauna dekenai November 1 Watchtower henia, bona rau 16 ai hereva kwarana ginigunana henunai ia noho herevana bona siri ta umui duahia. Lou henia dalana karaia, henanadai iharuana ena haere umui herevalaia totona.

The Watchtower November 1

“Ai ura emu lalohadai ai diba. Bema oi ura Dirava dekenai henanadai ta oi henia, dahaka do oi hereva? [Haere naria.] Iesu ena hereva hegeregerena, iseda henanadai edia haere ita tahua be namo. [Mataio 7:7 duahia.] Inai magasin ese mai anina bada henanadai toi be Baibel amo ia haerelaia.” Magasin ena rau 3 ai idia noho henanadai be ruma tauna dekenai oi hahedinaraia.

Awake! November

“Ai be famili ta ta ai vadivadi henia. Hari inai negai, tama sibona o sina sibona be edia famili ia naria. Oi laloa unai famili edia hekwakwanai be momo, to tama sina ruaosi ese idia naria famili edia hekwakwanai be momo lasi, a? [Haere naria.] Tama sina momo be Baibel ai heduru namona idia abia. [2 Timoteo 3:16 duahia.] Inai magasin ai idia noho heduru hereva haida ese tama o sina do ia durua, idia sibona edia famili idia naria maduna idia huaia namonamo totona.”