Iseda Web Sait—Ita Bona Ma Haida Do Ia Durua

Iesu ese ita ia hagania Basileia ena sivarai namona be ‘tanobada ibounai dekenai do ita harorolaia, unai amo bese ibounai ese idia kamonaia diba.’ (Mat. 24:14) Tadikaka idia ura ita idia durua ‘eda hesiai gaukara ita hagugurua momokani’ totona, Web sait watchtower.org, jw-media.org, bona jw.org idia hatamonaia, bona jw.org idia hamatamataia.—2 Tim. 4:5.

“Tanobada Ibounai Dekenai”: Kahirakahira taunimanima ibounai 100 amo 30 be Intanet idia gaukaralaia. Hegeregere, matamata taudia momo be Intanet amo duahiduahi gaudia idia daonloud. Intanet idia gaukaralaia taudia momo be eda Web sait ai (1) Baibel ena henanadai edia haere maorodia idia davaria, (2) Iehova ena orea idia dibaia, bona (3) davana lasi Baibel stadi idia noia be auka lasi. Iseda Web sait amo Basileia ena sivarai be tanobada ibounai dekenai idia noho taudia ese idia kamonaia diba, ita haroro be auka gabudia dekenai danu.

“Bese Ibounai”: Sivarai namona be “bese ibounai” dekenai ita harorolaia ena anina be inai: Namona be Baibel ena hereva momokani be gado idauidau ai ita halasia. Taunimanima ese Web sait jw.org dekenai gado 400 bamona ai idia hahanaia gaudia idia davaria haraga diba, Web sait ma haida be unai bamona lasi.

Gaukaralaia Namonamo: Web sait jw.org be murimuri taudia haroro henia sibona totona idia karaia lasi, to danu, Iehova ena Witnes taudia ese idia gaukaralaia diba. Bema oi be Intanet oi gaukaralaia momo, oi ai hagoadaia Web sait jw.org oi dibaia totona. Oi gaukaralaia namonamo daladia haida be henunai.

[Diagram on page 3]

(For fully formatted text, see publication)

Oi Tohoa

1 Intanet adres torea gabunai www.jw.org oi taipia bena Enter oi presia.

2 Web sait ena gau idauidau (hegeregere headings, menu options, bona links) oi presia bona sekea.

3 Bema emu mobael fon ai Intanet ia noho, mani jw.org oi kehoa. Ena be mobael fon dekenai idia hedinarai gaudia idia maragi, to Web sait gaudia ibounai be unuseniai oi itaia diba.