Haroro ai jw.org Gaukaralaia—“Iehova Ena Turana ai Lao”

Iseda Web sait jw.org ai, kahana ta ladana “Bible Teachings” henunai, inai kahana “Become Jehovah’s Friend” ia noho, ia lalonai be ane, vidio bona gau ma haida. Haroro gaukara ai, unai oi gaukaralaia, a? Bema oi stadi henia tama o sina be mai ena natuna maragidia, ia dekenai eda Web sait oi hahedinaraia. Unai ese tama o sina ena lalona ia veria Web sait ena kahana haida ia itaia totona.

Tadikaka ta be Basileia Sivaraina Namba 38 pepapepa ia hariharilaia lalonai, hahine ta dekenai unai pepapepa ta ia henia. Unai hahine be maoromaoro unai pepapepa ia duahia matamaia. Iena natuna maragidia danu idia ura unai pepapepa idia itaia. Tadikaka ese pepapepa ena anina bona murinai ia noho Web sait ena adres ia herevalaia. Unai hahine bona ena natudia idia kamonai namonamo dainai, tadikaka ese ena fon amo Caleb ena vidio ta ia hahedinaraia.

Taihu ta ese ena turana hahine ta​—mai ena natuna maragidia​—dekenai eda Web sait bona ia lalonai idia noho famili durua daladia ia herevalaia. Unai hahine be ena natudia ida jw.org idia itaia. Gabeai, ia ese taihu ia hamaoroa ena natudia be ruma ai, “Dirava Ena Hereva Harorolaia” anena idia abia, unai ane be “Become Jehovah’s Friend” amo idia abia.

Namona be jw.org ai idia noho kahana idauidau oi dibaia, bona emu fon ai vidio, ane o gau ma haida oi daonloud. Unai amo haroro ai jw.org oi gaukaralaia diba. Unai tulu ese ita ia durua, Lohiabada ita hesiai henia totona!​—Kara 20:19.