Iseda Web Sait—Haroro ai Oi Gaukaralaia

Taunimanima Hagoadaia Web Sait Idia Gaukaralaia: Haida idia ura lasi ita idia hereva henia o eda buka idia abia, to idia sibona edia ruma ai iseda sivarai be jw.org ai idia tahua. Unai dainai, hanaihanai eda Web sait be ma haida dekenai ita herevalaia.

Henanadai Haerelaidia: Nega haida ruma tauna, kamonai tauna, o turana ta ese Iehova ena Witnes taudia idia abia dae gauna ta do idia henanadailaia. Maoromaoro emu mobael fon o kompiuta amo haere oi hahedinaraia. To hanaihanai siri be emu Baibel amo oi duahia. Bema mobael fon ai Intanet be lasi, jw.org amo haere ia davaria dalana oi hadibaia.—Iniseniai itaia: “Bible Teachings/Bible Questions Answered” eiava “About Us/Frequently Asked Questions.”

Pablikeisen ta o Magasin ta be Oi Diba Tauna Dekenai Oi Siaia: Oi ese PDF eiava EPUB program oi daonloud bena e-mail amo oi siaia. Eiava idia rekodia pablikeisen ena duahiduahi oi daonloud bena CD ai oi atoa. Bema pablikeisen o magasin ta ena rau ibounai oi daonloud bena bapatiso lasi tauna ta oi henia, emu haroro ripoti pepana ai unai oi ripotilaia. To, namo lasi unai gaudia edia rau haida o ibounai be oi diba lasi tauna dekenai oi siaia kava. Danu, namo lasi unai gaudia oi daonloud bena Web sait idauna ai oi atoa.—Iniseniai itaia: “Publications.”

Iehova Ena Witnes Taudia Edia Sivarai Matamatadia Oi Hahedinaraia: Intanet ena kahana ta, “News,” ese stadi taudia bona ma haida do ia durua eda tanobada ibounai gaukarana bona lalotamona karana idia lalopararalaia totona. (Sal. 133:1)—Iniseniai itaia: “News.”

[Diagram on page 5]

(For fully formatted text, see publication)

Oi Tohoa

1 Inai hereva, “Publications” henunai, oi ura daonloud gauna oi sekea, bona oi ura gauna (text eiava audio format) oi presia.

2 Inai hereva, “MP3” oi presia neganai, lista ta do ia hedinarai. Vadaeni magasin ena sinado ta oi presia, oi daonloud totona, o inai oi presia oi kamonai totona.

3 Bema oi ura gado ma ta ena pablikeisen ta oi daonloud, vadaeni inai lista oi gaukaralaia.