Oi Welkam Henidia!
1. Edena hebou be nega namona taunimanima ita haroro henia totona, bona dahaka dainai?
1 Lagani ta ta ai ita karaia Memorial hebouna be nega namona taunimanima ita haroro henia totona. Laloatao: Toana be hari lagani ai vadivadi taudia 10 milioni mai kahana be Memorial do idia mai bena Iehova bona Iesu ese mauri davalaia boubouna amo idia hahedinaraia lalokau hereadaena do idia dibaia. (Ioa. 3:16; 15:13) Idia ese Iehova ena harihari gauna dainai idia vara hahenamo idauidau do idia dibaia. (Isa. 65:21-23) Tok ia henia tadikaka sibona lasi, to ita ibounai ese idia mai taudia ita welkam henia bona haroro henia be namo.—Roma 15:7.
2. Edena dala ai vadivadi taudia ita welkam henia?
2 Sea ai ita helai bena program ia matamaia totona ita naria sibona be namo lasi, to namona be ita toreisi bona vadivadi taudia ita welkam henidia. Badina reana idia gari bona idia diba lasi dahaka do ia vara. Iseda kiri bona hanamoa herevadia dainai, do idia gari lasi. Bema oi ura diba daika be invateisen pepana ia abia dainai ia mai, reana oi nanadaia, ‘Inai be emu nega ginigunana hebou oi mai, a?’ o ‘Kongrigeisen ai daika oi diba?’ Reana oi boiria oi danu ia helai, unai amo emu Baibel bona ane buka umui itaia hebou diba. Bema Memorial be Kingdom Hall ai, reana Hall ai idia noho gaudia haida oi hahedinaraia. Tok murinai, iena henanadai haida oi haerelaia diba. Bema emu kongrigeisen be Kingdom Hall do ia rakatania haraga badina kongrigeisen ma ta do ia hebou, reana oi gwau: “Inai hebou dekenai oi kamonai tok oi moalelaia, ani? Edena bamona do ita herevahereva lou diba?” Bena palani oi karaia gabeai oi lou henia totona. Bema haroro lasi pablisa be Memorial idia mai, elda ese idia hagoadadia be namo.
3. Dahaka dainai vadivadi taudia ita welkam henia be namo?
3 Vadivadi taudia momo be edia nega ginigunana Memorial do idia mai, bona do idia itaia Iehova ena Witnes taudia be moale, maino bona lalotamona ai idia noho. (Sal. 29:11; Isa. 11:6-9; 65:13, 14) Unai vadivadi taudia be dahaka gaudia do idia laloatao? Bema ita welkam henidia, unai do idia laloatao.