Haroro Herevadia

February Ena Saturday Ginigunana ai Baibel Stadi Hamatamaia

“Ai hereva henia taudia haida idia gwau, Baibel be Dirava ena Hereva, to ma haida idia gwau ia be buka helagana lasi. To oi ese Baibel be edena bamona oi laloa?” Haere naria. Ruma tauna dekenai February 1 Watchtower, ena rau 16 oi hahedinaraia, bena henanadai ginigunana bona siri ta umui duahia. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

The Watchtower February 1

“Momo idia ura tuari idia ore vaitani. Oi ura tanobada ai maino ia noho, a? [Haere naria.] Dirava ena gwauhamata mani oi itaia. [Salamo 46:9 duahia.] Tanobada Tuarina Ginigunana lalonai bona murinai idia vara gaudia ese idia hamomokania, kahirakahira Salamo 46:9 ena peroveta herevana do ia guguru, tuari be Dirava ese do ia hadokoa. Inai magasin ese unai ia herevalaia.”

Awake! February

“Ai be taunimanima dekenai hekwakwanai ta ai herevalaia. Vaia ita ura gau ibounai ita karaia, to eda nega be hegeregere lasi. Oi laloa eda gaukara be ia bada badina gau momo ita haorea lasi o eda nega ita gaukaralaia namonamo lasi, a? [Haere naria.] Namona be ita diba Baibel ese ita ia durua diba eda nega ita haria namonamo totona. Haheitalai ta be inai: [Filipi 1:10a duahia.] Inai magasin be gau foa ia herevalaia, unai ese momo ia durua vadaeni, edia nega idia gaukaralaia namonamo totona.”