Haroro Herevadia

May Ena Saturday Ginigunana ai Baibel Stadi Hamatamaia

“Ai be taunimanima ida inai henanadai badana ai herevalaia. [May 1 Watchtower ena rau 16 ai henanadai ginigunana hahedinaraia.] Emu lalohadai be dahaka?” Haere naria. Henanadai henunai ia noho paragraf ginigunana bona siri ta umui duahia. Magasin oi hariharilaia, bona lou henia dalana oi karaia, gabeai henanadai iharuana ena haere umui herevalaia totona.

The Watchtower May 1

“Ai ura taunimanima momo ese idia laloa bada gauna ta ai herevalaia, hegeregere idia ura diba vaira negana ai dahaka do idia vara. Oi laloa vaira negana ai gau namodia do idia vara eiava oi garilaia? [Haere naria. Bena rau 7 ai ia noho maua, “What God Has Revealed About the Future” ai siri ta oi duahia.] Inai magasin ese gau haida ia gwauraia, bona Dirava ia gwau unai gaudia do idia guguru, bona magasin ese ia hahedinaraia dahaka dainai ita abia dae unai gaudia do idia vara momokani.”

Awake! May

“Ai be taunimanima ai durua edena bamona edia lalohekwarahi idia hanaia diba. Oi laloa hari taunimanima be gau momo idia lalohekwarahilaia bada, guna bamona lasi, a? [Haere naria.] Momo be Baibel ena heduru herevadia ese ia durudia dainai, idia lalohekwarahi lasi. Hegeregere Baibel siri ta be inai. [Mataio 6:34 duahia.] Inai magasin ese ia hahedinaraia edena dala ai Baibel ena hakaua herevadia ese ita ia durua, lalohekwarahi idia havaraia gaudia foa ita hanaia totona.”

Laloatao: Inai magasin be reana bisinesi taudia ese do idia ura henia.