Lou Henia Karaia Haraga

Eda Web sait idia hamatamataia negana amo, unuseniai Baibel stadi idia noia taudia edia namba ia bada haraga. Danu, pablik gabudiai haroro dala matamatadia amo momo be Baibel stadi idia noia. Brens ofesi be unai noinoi idia abia neganai, karaharaga kongrigeisen ia hadibaia. Hegeregere, brens ofesi be jw.org ai kamonai tauna ena noinoi ia itaia neganai, ia ese dina rua murinai, unai tauna ena teritori ai idia noho elda ia hadibaia. To tadikaka idia gwau, unai stadi noia taudia haida idia vadivadi henia lasi ela bona wiki haida idia ore. Kamonai tauna ena stadi urana ia goada noho lalonai, dahaka ita karaia be namo?​—Mar. 4:14, 15.

Bema kamonai tauna ta oi davaria, to ia be emu teritori ai ia noho lasi, Mani Lou Henia (S-43) fom ta oi hahonua haraga bona seketere oi henia haraga, namo lasi oi naria ela bona hebou ma ta. Bena ia ese dina ta o rua lalonai unai fom be kongrigeisen maorona o brens ofesi (reana jw.org ena Congregation tab amo) dekenai ia siaia. Namona be elda ese Web sait idia sekea loulou. Bema lou henia fom idia abia, namona be kamonai tauna idia lou henia haraga. Bema elda ese oi (pablisa) idia noia kamonai tauna ta oi lou henia, mani unai oi karaia haraga. Bema unai tauna be ruma ai ia noho lasi, reana nouti ta bona emu fon namba oi torea bona rakatania.