DVD Ladana “These Words . . . Must Be on Your Heart”

Tama sina be mamoe naria taudia bamona. Namona be edia natudia idia naria namonamo, badina idia raka boio bona dika idia davaria diba. (Aon. 27:23) Edena dala ai tama sina ese unai idia karaia diba? Namona be nega idia atoa natudia ida idia herevahereva, unai amo edia lalona ai idia noho gaudia idia dibaia. (Aon. 20:5) Danu, tama sina ese natudia edia abidadama idia hagoadaia, unai amo hahetoho idia hanaia. (1 Kor. 3:10-15) Inai vidio ladana, “These Words . . . Must Be on Your Heart” ese ia hahedinaraia ruma bese ena tomadiho ita karaia hanaihanai be mai anina bada. Ruma bese ida itaia bona henanadai herevalaia.

(1) Dahaka ese Roman bona ena famili edia tomadiho karana ia hadikaia? (2) Dahaka dainai matamanai Tadikaka Roman ese ruma bese tomadiho ia karaia lasi? (3) Edena siri ese tama sina ia durua edia natudia idia naria namonamo totona? (Deu. 6:6, 7) (4) Famili lalonai dahaka ese herevahereva karana ia hanamoa? (5) Natudia idia ura edia tama sina be dahaka idia karaia be namo? (6) Edena dala ai Roman bona ena famili dekenai, Tadikaka bona Taihu Barrow be haheitalai namona ? (Aon. 27:17) (7) Ruma bese kwarana ese dahaka ia karaia guna be namo, unai amo ruma bese ena tomadiho ia karaia namonamo? (8) Tadikaka Roman be dahaka ia karaia ena famili edia mauri ia hanamoa totona? (9) Dahaka dainai ruma bese ena tomadiho idia karaia hanaihanai be mai anina bada? (Efe. 6:4) (10) Ruma bese ena tomadiho ai idia karaia diba gaudia haida be dahaka? (11)  Tadikaka Roman be Marcus dekenai disisen maorona karaia ena namo ia herevalaia neganai, dahaka dainai mai manau bona lalogoada ida ia hereva? (Ier. 17:9) (12) Edena dala ai Tadikaka bona Taihu Roman ese Rebecca idia durua ena hetura karana Justin ida ia laloa namonamo totona? Bona dahaka disisen maorona ia karaia? (Mar. 12:30; 2 Tim. 2:22) (13)  Tadikaka bona Taihu Roman be edia mauri idia haidaua neganai, edena dala ai unai ese edia abidadama ia hahedinaraia? (Mat. 6:33) (14) Edena dala ai inai vidio ese ruma bese kwaradia ia durua Iehova ena hakaua herevadia amo edia famili idia durua totona? (1 Tim. 5:8) (15) Oi be ruma bese kwarana dainai, dahaka oi karaia be namo?

HEREVA TA RUMA BESE KWARADIA TOTONA: Inai drama be lagani 2011 ena rijinol hebouhebou dekenai idia karaia. Unai negai emu ruma bese ena tomadiho hanamoa daladia haida oi dibaia, a? Hari be edena bamona? Bema gau haida oi haidaua be namo, mai guriguri ida unai oi karaia, unai amo emu ruma bese be hanaihanai namo do idia davaria. —Efe. 5:15-17.